Heqja e të gjitha baktereve nga pajisjet stomatologjike. Veprim i vështirë dhe ndoshta i pamundur

Mund të jetë e pamundur të hiqen plotësisht bakteret nga pajisjet stomatologjike: kështu thotë redaktori i blog-ut teethremoval duke cituar para së gjithash një seri artikujsh që janë shfaqur në testime të ndryshme këto vitet e fundit, që kanë vënë në dukje infeksionet e marra nga pacientët që i janë nështruar trajtimeve stomatologjike ose trajtimeve të kirurgjisë orale. Në përgjithësi infeksioni mund të risillet nga mungesa e aplikimit të protokolleve të përshtatshëm të dezinfektimit dhe sterilizimit të instrumenteve të përdorur nga ana e profesionistëve stomatologë.
Megjithatë, edhe kur merren të gjitha masat e këshilluara, në raste të rralla mund të verifikohet një infeksion, siç sugjeron një studim i publikuar së fundmi në revistën Water Research. I kryer nga një grup kërkuesish të Universitetit të Poitiers (në Francë) i koordinuar nga Damien Costa, eksperimenti tregon që dezinfektantët e rekomanduar nga kompanitë, që trajtojnë linjat e ujit të pajisjeve stomatologjike, në të vërtetë nuk i largojnë të gjitha bakteret. Njësia dentare është një pajisje komplekse e përbërë nga pjesë mekanike, qarqe elektrike dhe pjesë pneumatike dhe përfaqëson një sistem kritik për kontrollin e infeksioneve. Në klinikë, kërkuesit kanë analizuar tre dezinfektantë, normalisht të përdorur nga dentistët evropianë për të evituar kolonizimin bakterial të linjave të ujit dentar, duke zbuluar për fat të keq një efikasitet të pjesshëm.

"Ajo që është më shqetësuese" - kanë shkruar autorët - "është që asnjë nga dezinfektuesit e testuar nuk ka qenë në gjendje të vrasë amebat (Vermamoeba vermiformis), që do të thotë që ekziston një rrezik për pacientët dhe dentistët edhe pasi linjat e ujit janë sterilizuar."

Costa dhe kolegët e tij sidoqoftë kanë sugjeruar trajtime të ndryshme që mund të përbëjnë një ndihmë të vlefshme në parandalimin e formimit të biofilmit: përpara së gjithash të përdoret ujë me cilësi të lartë dhe të mos jetë i kontaminuar; së dyti të aplikohet sidomos një dezinfektues dhe në fund të evitohet ngecja e ujit në pajisje. Sigurisht që rekomandohet edhe që të ndiqen me përpikëri protokollet e mbajtjes së njësive dentare, që parashikojnë veprime shumë precize pas çdo pacienti, në fillim dhe në fund të ditës si edhe në fund të javës.

Adelmo Calatroni

Përktheu: Valbona Spahia