Qasja inovative për heqjen e gjëndrës nën nofullën e poshtme. Treguesit praktikë nga literatura

Lara Figini

Heqja e gjëndrës nën gjuhë në kirurgjinë orale shpesh është konsideruar një ndërhyrje e thjeshtë dhe nënvlerësohet, por fusha e kufizuar dhe fakti që operacioni sjell zhvendosjen e dy strukturave anatomike të rëndësishme, si gjëndra nën nofullën e poshtme dhe nervi lingual, e bëjnë këtë heqje një operacion të vështirë, të cilit duhet t'i kushtohet vëmendje e veçantë. Përveç kësaj shpesh kjo lloj ndërhyrjeje shoqërohet nga komplikacione.

Gjëndra nën gjuhë është një strukturë me sipërfaqe të mbuluar vetëm nga mukoza dhe e mbështetur nga muskuli mylohyoid. Përbëhet nga lobe të veçanta, secila prej tyre rrethohet nga një kapsulë indi lidhor. Gjëndra arrin linjën e mesit dhe në pjesën e parme dhe në atë të prapme mund të mbivendoset te gjëndra nën nofullën e poshtme. Strukturat më të rëndësishme që janë në rrezik gjatë heqjes së gjëndrës nën gjuhë janë gjëndra nën nofullën e poshtme dhe nervi lingual.

Cistet janë lezionet patologjike më të zakonshme që lidhen me gjëndrat nën gjuhë.
Trajtimet e cisteve mund të jenë:
-marsupializimi,
-heqja e cistit dhe tharja e lëngut që përmban,
-heqja totale e gjëndrës në gjuhë dhe pastrimi i përmbajtjes së saj,
-trajtimi me laser itrium - skandium - galium - Garnet
Një studim i publikuar te British Journal of Oral and Maxillofacial Surgery në tetor 2015 propozon një qasje të re kirurgjike, në rastet e heqjes totale të gjëndrës nën gjuhë, që parashikon një prerje në formë L - je e modifikuar me qëllim që ta bëjë autopsinë e gjëndrës nën nofullën e poshtme më të lehtë dhe të sigurt.
Kjo metodikë inovative, nga rezultatet e nxjerra nga autorët, nuk paraqet komplikacione të rënda ose që mund të përsëriten gjatë apo pas ndërhyrjes, përveç kësaj, e krahasuar me qasjen tradicionale, ka lejuar regjistrimin e lezioneve më të vogla në gjëndrën nën nofullën e poshtme, incidencë më të vogël të cisteve në anën e kundërt, sasi më të vogël të gjakosjes gjatë operacionit dhe kohëzgjatje më të shkurtër të ndërhyrjes.
Figura 1 dhe 2 tregojnë diferencën midis dizenjimit të këndit tradicional në heqjen e gjëndrës nën gjuhë dhe dizenjimit të këndit të modifikuar në formë L - je të propozuar nga autorët e studimit. Figura 3 ilustron raportet anatomike të gjëndrës nën gjuhë.

Variablat	Këndi i modifikuar (766 raste)	Këndi tradicional (365 raste)
Kohëzgjatja e ndërhyrjes (Min)
20-40	545	2
41-60	148	296
61-120	73	67
Lezione të gjëndrës nën nofullën e poshtme	0	3
Gjakosje post-operative	3	8
Lezione të nervit lingual	0	1
Cist në anën e kundërt	0	4
Përsëritja	0	2
Gjakosja intra-operative (ml)
10-40	444	68
41-80	232	220
81-120	76	71
121-200	14	6

Tab.1: Rezultatet e arritura nga autorët nga krahasimi i dy metodikave: me kënd tradicional dhe me kënd të modifikuar

Heqja e gjëndrës nën gjuhë mund të paraqesë komplikacione të ndryshme midis të cilave lezione të gjëndrës nën nofullën e poshtme dhe të nervit lingual. Këndi i modifikuar me prerje në formë L-je i propozuar nga autorët e studimit rezulton të jetë qoftë i realizueshëm qoftë i sigurt, duke thjeshtësuar heqjen e gjëndrës nën gjuhë dhe duke ruajtur më së shumti gjëndrën nën nofullën e poshtme kurdo që krahasohet me këndin e formës tradicionale.

Nën kujdesin e: Lara Figini, Koordinatore Shkencore e Odontoiatria33

Bibliografia:
Modified L-shaped surgical approach to excision of the sublingual gland Guo-Rong Zhao, Ping Ji, Hong-Wei Zhao, Yong Li ,Ying Li, Ping Liu, Lin Zeng , Fu-Gui Zhang; British Journal of Oral and Maxillofacial Surgery Volume 53, Issue 8, October 2015, Pages 725-729

Përktheu: Valbona Spahia