Sutura në kirurgjinë orale: krahasimi ndërmjet katër materialeve të ndryshme

Nga Lara Figini

Suturat janë pajisja mjekësore më e përdorur për mbylljen e plagëve. Qëllimi kryesor i suturës është ai i kontrollit të gjakrrjedhjes menjëherë pas kirurgjisë dhe mbajtja e indit derisa të mbyllet dhe të shërohen indet e buta, duke reduktuar kontaminimin nga trupat e huaj.
Në kirurgjinë orale bashkëkohore, një shërim i mirë primar, i arritur nëpërmjet përdorimit të suturave të përshtatshme përveç një manipulimi të përshtatshëm intra-operativ të indeve të buta, tashmë është konsideruar absolutisht i detyrueshëm për të arritur rezultate funksionale dhe estetike optimale për një kohë të gjatë.

Por cila është sutura më e mirë?

Tipologjia e kërkimit dhe modaliteti i analizës
Në një studim klinik, të publikuar në Clinical Oral Investigation në prill 2020, autorët kanë krahasuar katër materiale të ndryshme suture duke hetuar influencën e shërimit, në adezionin mikrobial, në reagimin e indeve dhe në parametrat e tjerë klinikë të rëndësishëm.
Në këtë studim janë marrë në konsideratë një total prej 32 pacientësh që i janë nështruar ekstraksionit kirurgjikal të katër molarëve të tretë. Parametrat klinikë janë vlerësuar gjatë ndërhyrjes dhe vizitave të kontrollit. Cilësia e shërimit të indeve të buta përreth suturave është vlerësuar ditën e tretë dhe të shtatë pas ndërhyrjes.
Kolonizimi mikrobial është ekzaminuar nëpërmjet qPCR. Është kryer edhe një analizë histologjike për të vlerësuar reagimin inflamator të indeve përreth suturave.

Rezultate
Është parë një shërim i shumë më i mirë i indeve të buta përreth suturave me monofilament dhe atyre sintetike në krahasim me suturat multifilament dhe ato natyrale. Shërimi i indeve të buta ishte shumë më i mirë te të gjitha suturat ditën e shtatë në krahasim me ditën e tretë pas ndërhyrjes.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se sutura në polipropilen që nuk rezorbohet ka karakteristika klinike më të mira në krahasim me të gjitha suturat e tjera. Përreth kësaj lloj suture është parë një shërim më i mirë i indeve të buta dhe një reagim minimal inflamator.

Implikime klinike
Kirurgu oral duhet të marrë në konsideratë që për të arritur një shërim më të mirë të indeve të buta pas ndërhyrjeve është e këshillueshme që të përdoret sutura sintetike monofilament sepse redukton riskun e infeksionit post-operativ dhe rezulton më pak i bezdisshëm për pacientët.

Për më tepër:
Dragovic M, Pejovic M, Stepic J, Colic S1, Dozic B, Dragovic S, Lazarevic M, Nikolic N, Milasin J, Milicic B. Comparison of four different suture materials in respect to oral wound healing, microbial colonization, tissue reaction and clinical features - Randomized clinical study. Clin Oral Investig 2020 Apr;24(4):1527-41.

Përktheu: Valbona Spahia