Rezistenca ndaj lodhjes ciklike të dy materialeve qeramike CAD/CAM: analiza paraprake për imitimet

Nga Massimo Gagliani

Qëllimi i këtij studimi, të publikuar në Dental Materials, ishte vlerësimi i rezistencës ndaj lodhjes ciklike të premolarëve të restauruar me dy tipologji të ndryshme të qeramikave dentare, një disilikat litiumi (LD) dhe një polimer të infiltruar me qeramikë (PIC).

Tipologjia e kërkimit dhe modaliteti i analizës
Një premolar i restauruar me një kurorë me mbulim total është dixhitalizuar. Forma volumetrike e indeve të dhëmbëve dhe kurorave është rikrijuar në Mimics®.
Janë transferuar në IA-FEMesh për gjenerimin e rrjetës dhe modeli është analizuar me Abaqus. Nëpërmjet këtyre kombinimeve të software ka qenë e mundur që të imitohet një situatë klinike për vlerësimin dhe shpërndarjen e stresit në vetë restaurimet e më pas ka qenë e mundur që të supozohet kohëzgjatja e premolarëve të restauruar me dy materiale të ndryshme.

Rezultate
Kohëzgjatja e parashikuar ishte 1.231.318 cikle për LD me ngarkesë lodhjeje 1400 N, ndërsa për PIC ishte 475.063 cikle me ngarkesë lodhjeje 870 N. Vlera e pikut të kërkesës kryesore maksimale verifikohej në zonat e kontaktit okluzal (antagonist)(LD: 172 MPa dhe PIC: 96 MPa) dhe në gropën qendrore (LD: 100 MPa e PIC: 64 MPa) e për të dyja qeramikat këto kanë qenë zonat e dështimit që janë ndeshur më shumë në eksperiment.
Përsa i përket shtresës adezive, kërkesa maksimale e prerjes është observuar në zonën e shpinës (LD: 53,6 MPa e PIC: 29 MPa).

Konkluzione
Rezistenca ndaj lodhjes ciklike dhe modalitetet e thyerjes së kurorave në qeramikë janë të ngjashme në të dyja materialet: disilikati i litiumit paraqet një rezistencë më të madhe në krahasim me rezinën e infiltruar me qeramikë.

Për më tepër:
Homaei E, Jin X-Z, Pow EHN, Matinlinna JP, Tsoi JK, Farhangdoost K. Numerical fatigue analysis of premolars restored by CAD/CAM ceramic crowns. Dent Mat 2018 Jul;34(7):e149-57.

Përktheu: Valbona Spahia