Ketamina për menaxhimin post-operativ në kirurgjinë ekstraktive të molarëve të tretë

Nga Lara Figini

Kirurgjia e molarit të tretë është procedura më e zakonshme në kirurgjinë orale dhe komplikacionet e saj më të shpeshta post-operative janë dhimbja, fryrja dhe trismus.

Protokollet analgjezike për kontrollin e dhimbjes post-operative përfshijnë një shumëllojshmëri trajtimesh farmakologjike, si barnat antinflamatore jo steroide (FANS), analgjezikët e dyfishtë dhe opioidet, që lidhen me ndërhyrje parandaluese.

Ketamina (LAK) është një "molekulë e vjetër", për shembull që ka përftuar sërish interes falë vetisë së saj analgjezike sistemike dhe periferike. Veprimi i saj lokal në termat klinikë të analgjezisë dhe efektet antinflamatore mund të jenë të dobishme në menaxhimin e dhimbjes dhe fryrjes pas kirurgjisë ekstraktive të dhëmbëve të pjekurisë.

Tipologjia e kërkimit dhe modaliteti i analizës
Në një rishikim sistematik me meta-analizën e publikuar në Journal of Oral and Maxillofacial Surgery në dhjetor 2019, autorët kanë hetuar efektin e përdorimit lokal të ketaminës (LAK) pas kirurgjisë ekstraktive të molarit të tretë.

Një kërkim bibliografik është kryer duke ndjekur një strategji kërkimi të paravendosur, nëpërmjet bazave të të dhënave tradicionale elektronike nga shtatori 2017 deri në shkurt 2019. Vetëm studimet klinike perspektive dhe ato të randomizuara të kontrolluara (që kishin vlerësuar efektin e administrimit lokal të LAK pas ekstraktimit të molarëve të tretë) janë përfshirë.

Meta-analiza është bazuar në modelin e efekteve shkakësore. Janë vlerësuar dhimbja akute post-operative, fryrja dhe trismus.

Rezultate
Një total i 110 pacientëve (burra dhe gra me moshë nga 18 dhe 50 vjeç) janë ekzaminuar për të vlerësuar efektin analgjezik të administrimit lokal të ketaminës pas ekstraktimit të molarëve të tretë. Është zbuluar një efekt i rëndësishëm analgjezik (kontrolli i dhimbjes post-operative) i LAK.

Efekti antinflamator i LAK është vlerësuar në 105 individë në studim dhe është gjetur një reduktim i konsiderueshëm i ënjtjes ditën e parë pas operacionit. Megjithatë, ketamina nuk ka treguar ndonjë efekt mbi reduktimin e trismus post-operativ.

Konkluzione
Nga të dhënat e nxjerra nga ky rishikim, që duhet të konfirmohen me punime të tjera analoge, mund të dalim në përfundimin se përdorimi i LAK mund të reduktojë incidencën dhe përkeqësimin e dhimbjes post-operative pas kirurgjisë ekstraktive të molarit të tretë, duke garantuar një efekt antinflamator, edhe nëse është vetëm ditën e parë.

Megjithatë, administrimi i LAK nuk ka ndonjë efekt në reduktimin e trismus post-ekstraktiv.

Implikime klinike
Efekti analgjezik dhe antinflamator i LAK është i dobishëm për të menaxhuar dhimbjen dhe ënjtjen menjëherë pas operacionit (dita e parë pas ndërhyrjes). Studime të mëtejshme janë të nevojshme për të vendosur dozat e sigurta për protokollet analgjezike lokale.

Për më tepër:
Esparza-Villalpando V, Ascencio-Padilla R, Pozos-Guillen A, Pozos-Guillen F, Hidalgo-Hurtado JA, Chavarria-Bolaños D. Local ketamine improves postoperative analgesia after third molar surgery. J Oral Maxillofac Surg 2019 Dec;77(12):2386-2400.

Përktheu: Valbona Spahia