Materiale për suturë: cilat duhen zgjedhur?

Nga Giulia Palandrani

Suturat janë mjeti më i përdorur për mbylljen e plagëve. Në mënyrë analoge me materialet e tjera të implantuara në trupin e njeriut, materialet e suturës janë konsideruar një trup i huaj dhe një faktor që kontribuon për një incidencë më të madhe të infeksioneve për shkak të aderencës mikrobiale.

Tipologjia e kërkimit dhe modaliteti i analizës
Në një studim të kryer nga Dragovic et al., të publikuar në Clinical Oral Investigations në korrik 2019, janë krahasuar katër materiale të ndryshme suture që përdoren në kirurgjinë orale sipas biokompatibilitetit, shkallës së kolonizimit bakterial dhe reagimit inflamator, influencës mbi shërimin e plagëve dhe parametrave klinikë bazë.

Në studim janë përfshirë 32 pacientë të shëndetshëm që janë indikuar për ekstraktim kirurgjikal të katër molarëve të tretë plotësisht të impaktuar. Molarët e tretë unilateralë superiorë dhe inferiorë janë ekstraktuar njëkohësisht. Janë përdorur si lembo ai mucoperiosteal për mandibulën dhe ai trekëndor standard për maksilën.

Janë pozicionuar sutura të ndryshme të ndërprera për të arritur shërimin primar të plagës. Pas një periudhe prej 4-5 javësh, molarët e prekur nga ana tjetër janë ekstraktuar me të njëjtën procedurë. Çdo plagë është mbyllur me një material të ndryshëm suture. Pikat e suturës janë hequr pas 7 ditësh nga ndërhyrja.

Pacientëve i janë dhënë udhëzime post-operative uniforme:
• Amoksicilinë 500 mg dhe solucion klorheksidine 0,2% tre herë në ditë për 7 ditë;
• Ibubrofen 400 mg katër herë në ditë për 2 ditët e para.

Katër materiale suture janë përfshirë në studim:
• Sofsilk® (mëndafsh me shtresë dylli multifilament natyral i pa absorbueshëm; NA-Multi);
• Surgipro® (polipropilen monofilament sintetik i pa absorbueshëm; NA-Mono);
• Polysorb® (kopolimer multifilament i absorbueshëm i glikolideve dhe laktideve 9:1 - Lactomer® i veshur me Ca-stearate dhe Ε-kaprolakton; A-Multi);
• Caprosyn® (kopolimer monofilament i absorbueshëm i E-kaprolakton, glikolid, trimetilen karbonat, lakton 6: 2: 2: 1 - Polyglytone 6221®; A-Mono).

Rezultate
Të gjitha fijet e suturës janë analizuar nëpërmjet mikroskopisë elektronike me skanim (SEM) dhe në thelb është gjetur një sasi më e madhe e pllakës dentare mbi suturat multifilament.

Pas analizës mikroskopike është zbuluar numri më i madh i qelizave inflamatore përreth NA-Multi (Sofsilk®) dhe numri më i vogël përreth NA-Mono (Surgipro®).

Një total prej 128 kampionesh suture janë ekzaminuar për aderimin mikrobik dhe një sasi e konsiderueshme inferiore e ngarkesës bakteriale është gjetur te monofilamenti në krahasim me suturat multifilament me ngarkesë minimale bakteriale të regjistruar në suturën në polipropilen (NA-Mono Surgipro®). Kjo është për shkak të sipërfaqeve shumë të lëmuara. Rezultatet e studimit kanë treguar një shërim më të mirë kur janë përdorur materialet sintetike NA-Mono (Surgipro®), A-Mono (Caprosyn®) e A-Multi (Polysorb®) në krahasim me rastet kur është përdorur multifilamenti natyral NA-Multi (Sofsilk®).

NA-Mono (Surgipro®) ka shkaktuar shqetësimin më të madh te pacientët krahasuar me të gjitha llojet e suturës dhe ka treguar sasinë minimale të lirimit post-operativ.

Në këtë studim, incidenca e infeksionit post-operativ i vonuar është regjistruar në 10 nga 128 plagë dhe 7 nga 10 në pjesët e infektuara ishin në grupin e suturave multifilament.

Duket sikur konfigurimi fizik i fijeve më shumë sesa përbërja kimike e tij ka një rol në reagimin inflamator.

Konkluzione
Tërheqja minimale e indit, lirimi gjatë lidhjes së nyjes dhe një strukturë që nuk influencohet nga pështyma dhe nga gjaku janë motive kryesore për të cilat sutura me polipropilen (NA-Mono Surgipro®) është alternativa më e mirë që është evidentuar në studim.

Shumë afër suturës me polipropilen ishte A-Mono (Caprosyn®) që është suturë monofilament me fleksibilitet të jashtëzakonshme dhe lehtëson manipulimin intra-operativ.

Sipas këtyre rezultateve, çdo herë kur është e mundur, preferohet që të përdoren sutura monofilament sintetike me qëllim që të arrihet shërimi më i mirë i indeve të buta, të reduktohet risku i infeksioneve post-operative dhe të lirohet sutura pas procedurave të kirurgjisë orale.

Për më shumë informacione:
Dragovic M, Pejovic M, Stepic J, Colic S, Dozic B, Dragovic S et al. (2019). Comparison of four different suture materials in respect to oral wound healing, microbial colonization, tissue reaction and clinical features-randomized clinical study. Clinical Oral Investigations 2019;35(2):82-15.

Përktheu: Valbona Spahia