Materiale të reja eksperimentale bioaktive për mbrojtjen pulpare

Analiza e karakteristikave mekanike, biokompatibilitetit dhe bioaktivitetit

Nga Figini Lara

Trajtimi i lezioneve karioze të thella mund të behet ndonjëherë i vështirë mbi të gjitha, kur për të hequr plotësisht kariesin krijohet një ekspozim pulpar që mund të reduktojë mundësinë e mbijetesës së vetë pulpës.

Një material mbrojtës i pulpës, ideal në këto raste, duhet të jetë shumë biokompatibël dhe bioaktiv dhe duhet të zotërojë kështu karakteristika terapeutike për të stimuluar proceset e rimineralizimit dhe të riparimit të pulpës.

Tipologjia e kërkimit dhe mënyra e analizimit

Në një studim eksperimental in vitro, të publikuar kohët e fundit në Dental Materials, qershor 2018, vlerësohen karakteristikat mekanike, biokompatibiliteti, kapaciteti për të prodhuar diferencimin qelizor dhe bioaktivitetin e disa materialeve rezinoze eksperimentale të fotopolimerizueshme që përmbajnë micro-filler bioaktiv.

Katër micro-filler me fosfosilikat kalciumi janë përgatitur dhe inkorporuar në një përzierje rezinoze:

• 1. Bioglass 45S5 (BAG)
• 2. Qelq bio i shtuar me zink (BAG-Zn)
• 3. Silikat kalciumi i tipit beta TCP-i modifikuar (Beta CS)
• 4. Zink i shtuar me beta CS (Beta CS-Zn)

Këto rezina eksperimentale janë testuar për rezistencë ndaj përkuljes (FS) dhe rezistencë ndaj frakturës (FT) pas 24 orësh dhe pas 30 ditësh nga qëndrimi në likidin trupor të simuluar (SBF).

Citotoksiciteti është vlerësuar duke përdorur dozimin MTT, ndërsa bioaktiviteti është vlerësuar duke përdorur analizën e mineralizimit dhe shprehjes gjenike (Runx-2 dhe ALP).

Rezultate
Vlera më e ulët e rezistencës ndaj përkuljes FS dhe rezistenca ndaj frakturës FT pas 24 orësh është verifikuar në kampionë me bazë të rezinës beta CS, ndërsa të gjithë materialet e tjerë që i janë nënshtruar testeve kanë treguar një zvogëlim të FS vetëm pas një konservimi të zgjatur në kohë në SBF.

Beta CS-Zn ka mbajtur një rezistencë ndaj frakturës FT të pranueshme edhe pas 30 ditësh qëndrimi në likidin trupor të simuluar SBF.

Inkorporimi i micro-filler bioaktiv nuk ka pasur efekte negative në biokompatibilitetin e materialeve eksperimentale të testuar në këtë studim.

Përfshirja e filler-ave të shtuar me zink ka rritur ne mënyrë domethënëse potencialin e rimineralizimit qelizor dhe shprehjen e gjeneve osteogjenike Runx-2 dhe ALP (p<0,05).

Implikime klinike
Nga të dhënat e këtij studimi është zbuluar se vetëm rezinat që përmbajnë dy bioaktivizues të shtuar me zink janë në gjendje që të mbajnë karakteristika mekanike të mira dhe të qëndrueshme në kohë.

Për sa i përket biokompatibilitetit dhe diferencimit qelizor, rezinat që përmbajnë mbushës të shtuar me zink (beta CS-Zn dhe BAG-Zn) kanë rezultuar të jenë materialet alternative të mbrojtjes së pulpës më premtuese për t'u përdorur klinikisht.

Përktheu: Erjola Taga