Ortodoncia "në kushtet e shtëpisë" (DIY). Në SHBA është një luftë ligjore, kompania i kërkon dëmet dentistëve që e kanë kritikuar

Nëse në Itali "lufta" për ortodoncinë DIY sapo ka filluar duke i kërkuar Ministrisë së Shëndetësisë që të ndërhyjë, në SHBA është tashmë në sallat e gjykatave.
Problemi lind nga mundësia që i ofrohet qytetarëve, në Europë nga YourSmileDirect Ltd. (kompani me qendër në Dublin regjistruar si aktivitet stomatologjik kodi 83 26) ndërsa në SHBA nga SmileDirect (kompani ku 19% e kapitalit social, sipas shtypit amerikan, është e Align Technology, shoqëria që prodhon Invisalign) që të prodhojë një maskerinë transparente pa shkuar te dentisti. Ose më mirë dentisti, kështu shpjegohet, projekton rastin dhe përshkruan pajisjen, por pacientin nuk e shikon kurrë, pasi masa merret nga vetë pacientët nëpërmjet një kiti që dërgohet në shtëpinë e tyre. Kështu më pas dërgohen dhe maskerinat, trajtime të nevojshme për të "drejtuar" dhëmbët.

Kundër kësaj praktike prej kohësh, ADA i ka kërkuar një ndërhyrje institucioneve dhe ka kërkuar që të dekurajojë qytetarët me fushata informative.
Selia e ADA në Michigan ka transmetuar së fundmi një rezolutë për Qeverinë duke kërkuar një ndërhyrje legjislative. Në rezolutë Shoqëria "pretendon se mbikëqyrja e një dentisti të autorizuar është e nevojshme për të gjitha fazat e trajtimit ortodontik ndër të cilat testet orale, testet periodontale, testet radiografike, modelet e studimit të grafive të gojës, planifikimi dhe përshkrimi i trajtimit, vlerësimet periodike të progresit dhe vlerësimet finale me masa stabilizuese".

Në prill, Shoqata amerikane e ortodontëve ka paraqitur denoncime në 36 Shtete duke mbështetur se SmileDirect po thyente ligjet që rregullojnë ushtrimin e stomatologjisë.
Nëpërmjet një sondazhi të kryer nga Shoqata amerikane e ortodontëve rreth 13% e ortakëve të saj deklarojnë se kanë vizituar pacientë që kanë provuar që të drejtojnë dhëmbët me metodën DIY "dhe disa prej tyre paraqisnin dëmtime të pariparueshme".
Sigurisht SmileDirect nuk ka qëndruar duarkryq. Një zëdhënës i saj ka deklaruar me email për Buzz Feed News se "SmileDirectClub ka nisur veprime ligjore kundrejt dentistëve dhe ortodontëve që po propagandojnë informacione false dhe çorientuese që kanë të bëjnë me SmileDirectClub".

Sipas gazetës, kompania kishte cituar se do të padiste një grup të madh ortodontësh për një video kundër ortodoncisë në kushtet e shtëpisë (DIY) dhe kishte paraqitur një denoncim kundër selisë në Michigan të American Dental Association për disa publikime që kritikonin praktikën.
Alex Fenkell, bashkë themelues i SmileDirectClub, nëpërmjet një komunikate për shtyp ka denoncuar "pasaktësitë dhe deklaratat false" të përmbajtura në artikull duke theksuar iniciativat kundër kompanisë së tij nga ana e shoqatave të dentistëve si "aktivitet anti konkurrues" duke kujtuar se aktiviteti i tyre i ofron qytetarëve një shërbim më "të aksesueshëm dhe të volitshëm për të përftuar një buzëqeshje më të mirë dhe më të shëndetshme". Gjithashtu nga SmileDirectClub kujtojnë se shërbimi i tyre është një shërbim i pastër marketingu kundrejt dentistëve që përshkruajnë terapinë ortodontike duke përdorur shërbimin e tyre të maskerinave transparente dhe që shërbimi i lejon pacientëve vetëm që të mos shkojnë fizikisht te dentisti.
Në këtë shfaqje edhe dentistët kanë postuar video kritikuese kundër shërbimit në YouTube, si për shembull Jeffrey Miller, një stomatolog i Maryland që është parë të citojë një gjykim nga kompania që i kërkon 34 milion dollar dëme, Grant Olson një dentist në Springfield në Missouri të cilit i janë kërkuar 18 mijë.

Nor.Mac.

Përktheu: Erjola Taga