Kur duhet nisur trajtimi ortodontik?

Pyetja më e shpeshtë që u bëjnë prindërit dentistëve pas asaj se kur mund të çohet fëmija për herë të parë te dentisti, është se kur duhet të fillohet trajtimi ortodontik. Këto...

Pyetja më e shpeshtë që u bëjnë prindërit dentistëve pas asaj se kur mund të çohet fëmija për herë të parë te dentisti, është se kur duhet të fillohet trajtimi ortodontik. Këto janë pyetje të cilave dentisti duhet t'u japë përgjigje të qarta, në mënyrë që prindërit të kuptojnë kohën dhe qasjen e duhur ndaj parandalimit sa i përket shëndetit oral të fëmijëve të tyre.

"Kur flitet për pacientët e vegjël, fjalëkalimet duhet të jenë 'parandalim' dhe 'kohë'. Prandalimi sot fillon që në barkun e nënës, kur sjelljet e virtytshme të prindërve janë hapat e parë për zhvillimin harmonik oral. Në fakt, në ditët e sotme, termi 'pedodonci' është zëvendësuar me termin 'stomatologjia infantile', ose akoma më mirë 'stomatologjia materno-infantile'", theksojnë ortodontët pediatrikë.

"Koha, në fakt, nënkupton diagnostikimin e saktë në momentin e duhur dhe trajtimin ortodontik në moshën e caktuar. Problemet në skelet mund të zbulohen tashmë që në moshën 5-6 vjeçare te dhëmbët e hershëm të përzier, apo edhe te dhëmbët e qumështit, ndërsa për çrregullimet ortodontike, ndërrimi i fundit i dhëmbëve mund të jetë një moment më i përshtatshëm për korrigjim", evidentojnë specialistët.

Shoqata Italiane e Ortodoncisë thekson se nuk bëhet fjalë vetëm për të pasur dhëmbë të drejtë apo të shtrembër; në rrezik është zhvillimi i duhur i të gjithë kavitetit oral, me funksionet e tij të shumta. Prandaj, është thelbësor monitorimi i fëmijës nga profesionistët e duhur.

"Rezulton e rëndësishme që profesionistët të cilët trajtojnë pacientin pediatrik, si stomatologu pediatrik dhe ortodonti pediatrik, të bashkëpunojnë për një menaxhim të integruar të shëndetit oral, ose më mirë akoma që këto dy specialitete të jenë të trupëzuara tek i njëjti profesionist", përfundon SIDO.