Impaktimi i molarit të dytë mandibuluar me përdorimin e telit të bronzit: një studim klinik prospektiv

HYRJE
Impaktimi i molarit të dytë mandibular (MM2) është një anomali e fazës përfundimtare të zhvillimit të dhëmbit duke identifikuar disa shkaqe etiologjike. Prevalenca e MM2 të impaktuar është midis 0 dhe 2.3%, megjithatë në vitet e fundit është regjistruar një rritje domethënëse. Diagnoza e hershme redukton të dy risqet e inkluzionit të MM2 dhe vështirësitë e qasjes terapeutike me trajtimin më të mirë në moshën midis 11 dhe 14 vjeç, kur zhvillimi i rrënjëve të MM2 është akoma jo i plotë. Trajtimi i këtyre elementeve shpesh kërkon një qasje multidisiplinore duke përfshirë fazat ortodontike dhe kirurgjikale. Zgjedhja e trajtimit është influencuar nga grada e përkuljes së MM2 dhe nga lëvizja e dhëmbit që MM2 duhet të kryejë. Një përkulje e lehtë e MM2 mund të korrigjohet duke futur një tel bronzi midis molarit të parë dhe molarit të dytë mandibular, ndërsa një përkulje më e madhe kërkon trajtime ortodontike dhe kirurgjikale më komplekse. Objektivi primar i këtij studimi klinik prospektiv ishte që të vlerësonim efikasitetin e teknikave me telin prej bronzi për trajtimin e MM2 gjysmë të impaktuar. Objektivat sekondare ishin: të përcaktonim ndikimin e germektomisë së MM3, në kohën e trajtimit të disinclusion dhe për të vlerësuar impaktin e germektomisë në cilësinë e jetës së pacientit. Është hamendësuar se metoda me tel bronzi është efektive për drejtimin e MM2 dhe se germektomia e MM3 redukton kohën e trajtimit pa ndikuar në mënyrë domethënëse në cilësinë e jetës së njeriut.

MATERIALE DHE METODA
24 MM2 të impaktuara u caktuan në mënyrë rastësore për të përftuar trajtimin me tel bronzi me germektomi (grupi A) ose pa germektomi (grupi B). Oral Health-Related Quality of Life (OHRQ), pjesë e cilësisë së jetës (QoL), është përdorur për të matur se sa kushte të ndryshme shëndetësore prekin cilësinë e jetës. Mjeti më gjithëpërfshirës i disponueshëm aktualisht për mjekun për të vlerësuar shqetësimet post operatore në pacientin dentar është Oral Health Impact Profile (OHIP), një masë e shqetësimit që krijohet nga procedurat dentare dhe ndikimi i tyre në cilësinë e jetës që lidhet me shëndetin oral, perceptuar nga pacienti (OHRQoL). Çdo pacient pasi është instruktuar në mënyrën e duhur, plotësoi pyetësorin OHIP para trajtimit (T1), (T2) pas 3 ditësh ose (T3) pas 7 ditësh. Efikasiteti i anti-biofilmit nuk varet vetëm nga principi aktiv i zgjedhur por gjithashtu dhe nga komponentë të tjerë të përfshirë në formulim. Ata duhet të jenë të aftë të ndërveprojnë me ingredientët kryesor dhe të fuqizojnë apo reduktojnë efektet e tij antimikrobike. Krijimi i një kolutori me bashkëpunimin e CHX dhe të një polimeri të aftë për të krijuar një film aderues në pjesën më të madhe të indeve orale mund të jetë një zgjidhje ndihmuese në kontrollimin e formimit të biofilmit oral me kalimin e kohës dhe duke promovuar rritjen e baktereve të reduktuara në sipërfaqet e ekspozuara.

REZULTATET
Në të gjitha rastet impaktimi u korrigjua. Krahasimet dyshe midis grupit A dhe grupit B treguan ndryshime jo domethënëse nga ana statistikore në kohën e trajtimit dhe ndonjë ndryshim domethënës nga ana statistikore të OHRQoL.
DISKUTIM
Hipoteza kryesore për këtë studim klinik prospektiv u konfirmua nga rezultatet. Teknika me tel bronzi u vërtetua që është efektive në trajtimin e MM2 të impaktuar me një kënd përkulje midis 25o dhe 40o dhe me thellësi të inkluzionit midis 4 dhe 10 mm. Hipoteza sekondare e studimit nuk u konfirmua nga rezultatet pasi germektomia e MM3 nuk redukton kohën e trajtimit dhe ndikoi negativisht dhe në cilësinë e jetës që lidhet me shëndetin oral (OHRQoL), matur me OHIP.

RËNDËSIA KLINIKE
Disinclusion ortodontik-kirurgjikal me tel bronzi mund të përdoret në mënyrë efektive për MM2 të impaktuar në mënyrë të moderuar (me kënd 25-40o; shkalla e thellësisë së inkluzionit 4-10 mm). Germektomia e MM3 nuk ndikon në kohën e trajtimit por karakterizohet nga një impakt negativ në cilësinë e jetës që lidhet me statusin e shëndetit oral (OHRQoL). Prandaj ekstraktimi i embrionit të molarit të tretë mandibular nuk këshillohet për drejtimin e molarit të dytë mandibular, vetëm nëse nuk konsiderohet e nevojshme të veprohet ndryshe.

Artikullin origjinal e gjeni duke klikuar këtu.

Përktheu: Erjola Taga