Përdorimi i kortikotomisë së drejtuar nga kompjuteri për të lehtësuar procedurat kirurgjikale. Kërkimi italian i publikuar në shtypin internacional

Alberto De Stefani

Në literaturë janë të përshkruara shumë teknika kirurgjikale objektivi i të cilave është reduktimi i kohëve të trajtimit ortodontik. Disa prej këtyre teknikave përdorin instrumente piezoelektrike për t'i kryer në nivel të kockës alveolare dhe për promovuar një turnover kockor lokal. Një nga kufizimet kryesore të kësaj teknike kirurgjikale është se kortikotomia mund të dëmtojë rrënjët e dhëmbëve nëse nuk vlerësohet me kujdes dhe në mënyrë tredimensionale pozicioni i tyre preciz.
Në këtë rast studimor autorët përshkruajnë një metodë në të cilën duke filluar nga CBCT e pacientit në format dicom kanë mundur të vlerësojnë pikën e thellësisë së kockave të tilla për të kryer dhe kërkuar një guidë kirurgjikale për ta përdorur atë gjatë kortikotomisë.

Një paciente 23 vjeçare paraqet një inkrementim në një të tretën e pjesës së poshtme të fytyrës dhe një devijim të konsiderueshëm të mandibulës kundrejt anës së majtë, si dhe një ngritje të buzës. Vlerësimi intraoral paraqet një mbushje të moderuar, të tepërt të dhëmbëve superiorë dhe inferiorë. Linja e mesme inferiore është devijuar në anën e majtë dhe është i pranishëm një kafshim i kryqëzuar në anën e majtë nga një kontraktim transversal i nofullës superiore. Më pas vlerësohet një tendencë për kafshim të hapur dhe një okluzion i klasës së parë molare me një tendencë të klasës III skeletore.
Trajtimi ideal i parashikuar fillimisht konsistonte në një trajtim ortodontik të lidhur me kirurgjinë ortognatike bimaksilare për të zgjeruar harkadën superiore, për të avancuar maksilarin dhe për të korrigjuar asimetrinë skeletore. Nga momenti që pacientja ka refuzuar trajtimin me kirurgjinë ortognatike janë marrë në konsideratë kortikotomitë për të zgjidhur kushtet e pacientes. Limiti kryesor i këtij trajtimi konsiston në pamundësinë për të korrigjuar deviacionin mandibular dhe si pasojë korrigjimin e deviacionit të linjave të mesme.

Procedura e Kortikotomisë së drejtuar me kompjuter (CAC) është ndarë sipas hapave të mëposhtme:
• CBCT para-kirurgjia
• Importimi i file-it dicom në Digital Surgery Software v1.0 (Val.tech srl Verona, Italy) për të planifikuar kortikotomitë
• Mbipozicionimi i file-it dicom para dhe pas kirurgjisë

Duke përdorur softuerin PowerMill dhe PowerShape (Delcam Birmingham, UK), file-et dicom të modifikuara me udhëzimet e osteotomisë janë përdorur për realizimin e një guide në polimetil metakrilat (PMMA) të trashë 4 mm. Pas shkëputjes së lembos dhe ekspozimit të kortikales kockore, udhëzimi PMMA është përdorur për të kryer prerjet osteotomike duke përdorur instrumentin piezoelektrik (Piezosugery Touch, Mectron, Italy). Nuk janë shtuar grafte kockore. Në fund të kirurgjisë, lembo është ripozicionuar në pozicionin e tij origjinal.
Harkadat dentare janë lidhur në të njëjtën ditë të fazës kirurgjikale me braketë Ormco lingual STB duke përdorur Dijiset System (Digital Jigs Setup, Dijiset S.a.s, Rome, italy) për të përftuar një setup dixhital. Sekuenca e përdorur e harqeve është si vijon: 0.013 Copper NiTi, 0.016 Copper NiTi, 0.016 x 0.016 Copper NiTi, 0.018 x 0.18 Copper NiTi, 0.0175 x 0.0175 TMA. Menjëherë pas procedurës kirurgjikale kontrollet ortodontike kryheshin çdo 7 ditë, në fazat e mëvonshme çdo 15-25 ditë. Në fund të trajtimit është aplikuar një imobilizim superior dhe inferior nga kanini në kanin dhe është dhënë një Essix që të mbahet gjatë natës. Dy vjet pas trajtimit pacientja është rivlerësuar: okluzioni rezultonte stabël me një shëndet të mirë të indeve periodontale.

Një kundërindikim i trajtimit me kortikotomi në pacientë të rritur është mundësia për të dëmtuar rrënjët gjatë prerjeve kockore. Ndërhyrja e kortikotomisë së drejtuar me kompjuter mund të jetë një sistem i mirë për të reduktuar në minimum riskun e lezioneve radikolare dhe për të standardizuar proceduarat kirurgjikale.

Nën kujdesin e: Marco Finotti, Antonio Gracco, Mariarosa del Torre, Laura Siviero, Alberto De Stefani, Giovanni Bruno
Për më tepër:
Corticotomies assistées par ordinateur : facilitation des protocoles chirurgicau. International Orthodontics. Volume 15, Issue 3, September 2017, Pages 498-51. Marco Finotti, Antonio Gracco, Mariarosa del Torre, Laura Siviero, Alberto De Stefani, Giovanni Bruno

Përktheu: Erjola Taga