Ndikimi i aspirinës në rastet e përsëritura ortodontike: rezultatet nga një studim laboratorik

Për një ortodont përsëritja pas një trajtimi ortodontik është sfida më e madhe dhe shkaku primar i dështimit. Deri më tani frenimi i përhershëm konsiderohet si metoda e vetme për të garantuar qëndrueshmërinë post-traumatike afatgjatë (Little et al., 1988), duke shmangur përsëritjet.
Shumë studime laboratorike janë kryer vitet e fundit me qëllimin për të gjetur një metodë për të reduktuar spostimet dentare nëpërmjet rregullimit të aktivitetit të osteoklasteve. Rimodelimi i kockës alveolare, shkaktuar nga veprimi i osteoblasteve dhe osteoklasteve është një nga shkaqet kryesore të përsëritjes në ortodonci (Yoshida et al., 1999) dhe studime të ndryshme në literaturë e lidhin këtë me një reagim sistematik të sistemit imunitar. Arron dhe Choi (2000) në vitin 2000, për herë të parë kanë futur konceptin e osteoimunologjisë që përshkruan një sistem integrimi midis kockës dhe sistemit imunitar.
Sipas kësaj disipline forca mekanike e aplikuar te dhëmbët provokon një përgjigje imunitare të tipit inflamator ndërmjetësuar nga indet periodontale duke përfshirë aktivizimin e qelizave T me pasojë riabsorbimin kockor (Verva era l., 1999). Megjithatë qelizat T mund të influencojnë osteoklastogjenezën nëpërmjet sekretimit të citokinave të ndryshme si interleukina 1 (IL-1), IL-6, interferoni ã (IFN-ã) dhe IL-4.
Ortodontistët zakonisht përdorin analgjezikë si aspirina, një bar antiinflamator jo steroid (FANS) për të lehtësuar dhimbjen e pacientëve gjatë trajtimit ortodontik dhe është vënë re se në mënyrë të papritur aspirina shpesh frenon efektin klinik të trajtimit ortodontik (Arias dhe Marquez-Orozco 2006).

Studimet te kafshët kanë treguar një zvogëlim të shkallës së lëvizjes dentare në rastet e konsumimit të FANS (Kehoe et al., 1996).

Nga një studim inovativ laboratorik me minj, të publikuar në "Journal of Dental Research" të majit 2017 dalin në pah rezultate mahnitëse që tregojnë se trajtimi me aspirinë mund të bllokojë përsëritjen ortodontike duke rregulluar qelizat Th1 dhe duke inhibuar limfocitet CD4 + T. Në këtë studim autorët kanë marrë në konsideratë minjtë meshkuj Sprague-Dawley të cilëve i janë aplikuar forca ortodontike (OTM). Gjysmës së kampioneve i është administruar aspirinë për 10 ditë pas 14 ditësh OTM.

Kështu janë marrë gjurmë në silikon të dhëmbëve maksilarë të minjve për të regjistruar distancën e OTM në pikën e treguar dhe janë zbuluar spostimet e përsëritura në kampione të ndryshme. Limfocitet CD4 + T në shpretkë janë ekzaminuar nëpërmjet citometrisë me fluks.
Janë marrë dhe nivele të serumit të qelizave T-ndihmëse (Th1), T 1 të tipit 1, të faktorit të nekrozës tumorale (TNF- á) dhe të interferonit ã (IFN-ã) nëpërmjet një dozimi imuno-perthithës enzimatik.
Efektet e aspirinës në qelizat CD4 + T dhe Th1 janë analizuar dhe in vitro. Nga rezultatet e studimit është parë se aspirina redukton në mënyrë domethënëse frekuencën e përsëritjes ortodontike dhe frenon në mënyrë të konsiderueshme diferencimin e qelizave CD4 + T dhe Th1.
Këto të dhëna laboratorike duhet që në mënyrë të qartë të gjejnë akoma një konfirmim me studime të tjera krahasuese in vitro dhe in vivo dhe me të cilat modaliteti aplikues shpesh mund të sjellë avantazhe klinike.

Nën kujdesin e: Lara Figini, Koordinatore Shkencore Odontoiatria33

Për më tepër:

- Little RM, Riedel RA, Artun J. 1988. AN evaluation of changes in mandibular anterior alignment from 10 to 20 years postretention. Am J Orthod Dentofacial Orthop. 93(5):423-428.

- Yoshida Y, Sasaki T, Yokoya K, Hiraide T, Shibasaki Y. 1999. Cellular roles in relapse processes of experimentally-moved rat molars. J Electron Microsc (Tokyo). 48(2):147-157.

- Arron JR, Choi Y. 2000. Osteoimmunology: bone versus immune system. Nature. 408(6812):535-536.

- Verna C, Zaffe D, Siciliani G. 1999. Histomorphometric study of bone reactions during orthodontic tooth movement in rats. Bone. 24(4):371- 379.

- Arias OR, Marquez-Orozco MC. 2006. Aspirin, acetaminophen, and ibuprofen: their effects on orthodontic tooth movement. Am J Orthod Dentofacial Orthop. 130(3):364-370.

- Kehoe MJ, Cohen SM, Zarrinnia K, Cowan A. 1996. The effect of acetaminophen, ibuprofen, and misoprostol on prostaglandin E(2) synthesis and the degree and rate of orthodontic tooth movement. Angle Orthodontist. 66(5):339-349.

- Aspirin Blocks Orthodontic Relapse via Inhibition of CD4+ T Lymphocytes Y. Liu, T. Zhang, C. Zhang, S.S. Jin, R.L. Yang, X.D. Wang, N. Jiang3, Y.H. Gan, X.X. Kou, and Y.H. Zhou Journal of Dental Research 2017, Vol. 96(5) 586- 594

Përktheu: Erjola Taga