Mitet false mbi teknikën e maskerinave transparente në ortodonci

Teknika Invisalign® është e pranishme në treg që nga viti 1997, e përdorur në të gjithë botën prej më shumë se 16 vitesh. (1) Kjo teknikë me siguri është revolucionare në sektorin e ortodoncisë në shumë aspekte. Principi është pa dyshim aspekti estetik dhe karakteristikat e komfortit total duke qenë një qasje plotësisht transparente dhe e lëvizshme. Si të gjitha "inovacionet" shkencore, një teknikë e tillë kërkon një kurbë të mësuari, duke pasur karakteristika biomekanike specifike, që ndër të tjera nuk janë krejtësisht të krahasueshme me ato të ortodoncisë tradicionale.

Nga ortodoncia tradicionale nisin arsyetimet më komplekse të diagnozës, por jo në planifikimin e trajtimit.
Zhvillimi i vazhdueshëm teknologjik dhe inovacionet befasuese teknike investojnë vazhdimisht te ne specialistët në ortodonci falë organizimit të jashtëzakonshëm të Align Technology, që përfiton nga një repart kërkimi dhe zhvillimi i përbërë nga qindra inxhinierë, fizikantë, matematicienë dhe informaticienë, të fokusuar në zhvillimin e softuerit ClinCheck®, materiale të reja për t'u përdorur për maskerinat dhe jo më pak të rëndësishme, lloje ndihmësish të rinj të përdorur për një kontroll gjithmonë e më të mirë të lëvizjes dentare. Element shumë i rëndësishëm i kësaj teknike është përdorimi i softuerit dedikuar ClinCheck®, nëpërmjet të cilit realizohet dhe zhvillohet i gjithë plani terapeutik i rastit. (2)

Me siguri një element i rëndësishëm për t'u konsideruar, bashkë me diagnozën tradicionale ortodontike, përpunimin dhe përdorimin i softuerit ClinCheck® është parimi bazë për të përftuar rezultatet e shkëlqyera me këtë teknikë. Revolucionar në përdorimin e metodikës Invisalign®, mundësia për të trajtuar në mënyrë ortodontike edhe pacientët e rritur që kanë qenë gjithmonë ngurrues për probleme të tipit estetik. Kjo na çon si pasojë në specializimin e terapive ortodontike në pacientët e rritur që përfaqësojnë një përqindje të rëndësishme rreth numrit të rasteve të trajtuara me Invisalign®.
Faktorët që mund të pengojnë ortodontët në përdorimin e kësaj teknike mund të jetë fakti që ortodonti deri më sot nuk ka qenë kurrë i përgatitur realisht, duke sjellë investim në kohë, në të mësuarin e karakteristikave biomekanike specifike të kësaj teknike. Megjithatë sjellja ndaj menaxhimit të programeve të kompjuterizuara dhe familjaritetit në përgjithësi me përdorimin e kompjuterin janë një kërkesë thelbësore.
Tashmë në të ardhmen e kësaj teknikë janë në veprim risi, si në aspektet e materialeve të reja, dizenjove të reja ndihmëse gjithmonë në zhvillim të vazhdueshëm, si dhe jo më pak të rëndësishëm, në softuerët e rinj me menaxhim nga ClinCheck® për ta bërë akoma më të plotë dhe të lehtë për t'u përdorur. Evolucioni që ne kemi jetuar prej me shumë se 10 vjetësh ka qenë i madh dhe me siguri duke u përmirësuar gjithnjë e më shumë, në të ardhmen parashikojmë një përdorim gjithmonë e më të rëndësishëm të kësaj metode edhe pse është në nivel menaxhimi ditor të aparatit nga ana e pacientit që për komfort të vetë personit nuk ka të krahasuar.
Teknika ortodontike e 2002 nuk është ajo e të tashmes dhe nuk është as ajo e 2018; është një teknikë në evolucion dhe për ata që i janë afruar pak vite me parë, nuk është e mendueshme të besojmë që është gjithmonë njëlloj.
Nuk është për ata që nuk dinë të bëjnë ortodonci por është për atë që di ta bëjë duke arsyetuar shumë rreth aspekteve klinike të malokluzionit, periodontale, skeletore dhe estetike.

Miti 1: është një teknikë e thjeshtë
Shumë shpesh teknika ortodontike që parashikon përdorimin e maskerinave përcaktohet "e thjeshtë" si në projektimin e trajtimit, si në monitorimin e trajtimit. Në të vërtetë ka një kompleksitet arsyetimi fillestar që parashikon një diagnozë korrekte dhe lëvizshmëri dentare si në planin sagjital si vertikal. (2) Nuk është e thjeshtë sepse nuk parashikon vetëm trajtimin e malokluzionit me grumbullim të lehtë ose me një diagnozë të limituar me pak spostime dentare. Një diagnozë shumë e mirë është pra çelësi i suksesit në trajtimin e malokluzionit kompleks, nuk është vetë teknika që është e thjeshtë apo komplekse por kapaciteti i të vetmit për të "drejtuar" malokluzionin drejt një rezultati të arritshëm biomekanikisht.

Miti 2: mund të përdoret vetëm te pacientët adult
Nga 2009 është në treg trajtimi edhe për pacientin në moshë evolutive: protokolli Teen.
Protokollet Teen parashikojnë përdorimin e disa karakteristikave specifike si kompensuesit e eruptimit të 7' për të përdorur maskerinat si në dhëmbët e përzier si në ato të përhershëm. (3)

Miti 3: nuk mund të përdoret te pacientët në kombinim me trajtimin kirurgjikal
Fals. Mund të përdoret në kombinim me trajtimin maksilo-facial, qoftë në kombinim me trajtimin kirurgjikal qoftë me trajtimin "surgery first". (4)

Miti 4: një trajtim kozmetik
Nuk është një trajtim kozmetik por ka objektivin e mirëqenies së pacientit; korrigjon malokluzionet në kompleksitetin e tyre. Si në malokluzionet me keqpozicionim të forcuar edhe tek ato që derivojnë nga interferenca. (5)

Miti 5: mund të provokojë recesione gingivale
Fals. Disa mendojnë se duke qenë një teknikë që parashikon "zgjerimin", mund të provokojë recesion gingival nëse elementet nxirren jashtë kortikales. Në realitet përftohet me lehtësi torque negativ me këtë teknikë, vektorët e forcës janë direkt në drejtim centripet dhe jo centrifugë. Pra krejtësisht e kundërta. (6,7)

Miti 6: diagnoza nuk është e ortodontit
Diagnoza është vetëm e ortodontit, teknikët specialistë kryejnë thjeshtë atë që i kërkohet dhe zbatohet nga ortodontisti, që përballet me përdorimin e një "makine" komplekse për të planifikuar trajtimin. Kujdes i veçantë duhet paraqitur në plotësimin e planit të trajtimit që duhet të planifikohet i gjithi fillimisht, pra me kujdes dhe analizë cefalometrike të përpiktë, klinike dhe të softuerit. Evolucioni i dinamikave zyrtare ka lejuar megjithatë që të lehtësojë ortodontët, duke garantuar deri në 5 vjet garancinë e palimituar rreth përdorimit të disa opsioneve të trajtimit, me qëllim lehtësimin e fazave komplekse diagnostikuese/vlerësuese të softuerit.
Me disa zhvillime të fundit të softuerit është e mundur të projektojmë spostimin edhe të dhëmbëve të vetëm dhe është e mundur të zhvillojmë dhe projektojmë planin e trajtimit sipas të gjitha teknikave. (3)

Miti 7: probleme artikulatore
Në protokollet e reja dhe me futjen e materialeve të reja smartrack (me patentë dhe unik në karakteristikat e tij prej polimeri me shumë shtresa me përdorim ortodontik), Invisalign nuk ka mundësi të provokojë probleme artikulatore. Përkundrazi literatura shprehet në favor të zgjidhjes së disa keqfunksionimeve artikulatore. (8, 9)

Miti 8: është një teknikë që parashikon kohëzgjatje
Muajt e fundit ka protokolle që parashikojnë se ndryshimi i maskerinave nuk bëhet më gjithmonë çdo 15 ditë por në kushte të caktuara edhe çdo 7 ditë. E ardhmja e ortodoncisë parashikon lëvizjen e përshpejtuar dhe reduktimin e kohëve të trajtimit.

Miti 9: nuk korrigjon malokluzionet me karakteristika sagjitale dhe vertikale por bën vetëm drejtvijëzim
Fals. Në literaturë janë raportuar raste studimi dhe artikuj kërkimor që analizojnë trajtimin si të klasës III dhe të klasës II. Protokollet e fundit parashikojnë karakteristika dhe bashkëngjitje karakteristike për malokluzionet me gradë të ndryshme kompleksiteti. Janë parashikuar dhe përdorime elastike. (11, 12)

Miti 10: nuk mund të përdoret te pacientët me sëmundje periodontale
Mbi të gjitha ka një përmirësim të higjienës orale dhe kështu risk më të vogël për zhvillimin e patologjisë periodontale. Lëvizja është më e parashikueshme dhe forcat më të kontrolluara, madje mund edhe të përgjysmohet forca dhe të zgjatet trajtimi kështuqë është më i duhur si trajtim për pacientët me sëmundje periodontale. (13)

Miti i njëmbëdhjetë, parashikon analizën e kostove, ku disa kolegë i përcaktojnë maskerinat si një "teknikë e kushtueshme" për klinikën. Është pothuajse e vërtetë nëse analizohen kostot në poltron, kostot e materialeve, kostot e konsulentëve etj.
Objektivi i autorëve të këtij artikulli ishte që të ngjallte interes drejt teknikave që do të revolucionalizojnë vitet e ardhshme të ortodoncisë. Gjithçka do të jetë e njëjtë në diagnozë, në studimin e malokluzionit por asgjë nuk do të jetë më njëlloj pas futjes së Invisalign.

Autorët: Caruso Silvia, Simonetta Meuli, prof. Roberto Gatto: Università degli Studi de L'Aquila

Bibliografia
1. Angle Orthod. 2016 Nov 22. Treatment management between orthodontists and general practitioners performing clear aligner therapy. Best AD, Shroff B, Carrico CK, Lindauer SJ.
2. Clin Oral Investig. 2016 Jul 19. How effective is the Invisalign® system in expansion movement with Ex30' aligners? Solano-Mendoza B, Sonnemberg B, Solano-Reina E, Iglesias-Linares A.
3. Angle Orthod. 2011 Mar;81(2):185-91. doi: 10.2319/052610-288.1. Color fading of the blue compliance indicator encapsulated in removable clear Invisalign Teen® aligners. Schott TC, Göz G.
4. Case Rep Dent. 2016;2016:9231219. doi: 10.1155/2016/9231219. Epub 2016 Jun 27. The Use of Invisalign® System in the Management of the Orthodontic Treatment before and after Class III Surgical Approach. Pagani R, Signorino F, Poli PP, Manzini P, Panisi I.
5. Prog Orthod. 2013 Oct 20;14:40. doi: 10.1186/2196-1042-14-40. Invisalign technique in the treatment of adults with pre-restorative concerns. Mampieri G, Giancotti A.
6. Eur J Dent. 2015 Jul-Sep;9(3):404-10. doi: 10.4103/1305-7456.163218. Periodontal health status in patients treated with the Invisalign(®) system and fixed orthodontic appliances: A 3 months clinical and microbiological evaluation. Levrini L1, Mangano A2, Montanari P1, Margherini S1, Caprioglio A1, Abbate GM1.
7. J Orofac Orthop. 2015 May;76(3):240-50. doi: 10.1007/s00056-015-0285-5. Periodontal health in teenagers treated with removable aligners and fixed orthodontic appliances. Abbate GM1, Caria MP, Montanari P, Mannu C, Orrù G, Caprioglio A, Levrini L.
8. Int J Orthod Milëaukee. 2009 Fall;20(3):15-9. Invisalign in TMD treatment. Miller DB.
9. Int Orthod. 2010 Sep;8(3):253-67. doi: 10.1016/j.ortho.2010.07.010. Epub 2010 Sep 15. Invisalign(®) treatment of patients with craniomandibular disorders. Schupp W1, Haubrich J, Neumann I.
10. Angle Orthod. 2016 Jun 15. [Epub ahead of print] The predictability of transverse changes with Invisalign. Houle JP, Piedade L, Todescan R Jr, Pinheiro FH.
11. J Orthod. 2015 Mar;42(1):33-44. doi: 10.1179/1465313314Y.0000000117. Lower incisor extraction treatment with the Invisalign® technique: three case reports. Giancotti A, Garino F, Mampieri G.
12. BMC Oral Health. 2014 Jun 11;14:68. doi: 10.1186/1472-6831-14-68. Treatment outcome and efficacy of an aligner technique--regarding incisor torque, premolar derotation and molar distalization. Simon M1, Keilig L, Schwarze J, Jung BA, Bourauel C.
13. Angle Orthod. 2016 Aug 9. [Epub ahead of print] Orthodontically induced external apical root resorption in patients treated with fixed appliances vs removable aligners. Iglesias-Linares A, Sonnenberg B, Solano B, Yañez-Vico RM, Solano E, Lindauer SJ, Flores-Mir C.

Përktheu: Erjola Taga