Vlerësimi linguistik i një pyetësori për diagnozën e shqetësimeve respiratore të gjumit te fëmijët

Objektivat

Rikërkimi në literaturë i një pyetësori me saktësinë më të madhe diagnostikuese për shqetësimet respiratore të gjumit (DRS) te fëmijët dhe vlerësimi i këtij të fundit në gjuhën italiane.
Materiale dhe metoda. Një kërkim fillestar bibliografik në data bazë ka mundësuar identifikimin e pyetësorit me saktësinë më të madhe diagnostikuese. Ky i fundit i është nënshtruar përkthimit dhe përshtatjes në versionin italian sipas një procesi përkthimi dhe përkthimi retro ("forward/backward translation") pra një pre-test për administrimin ("cognitive debriefing"). Në pre-test, në një kampion prej 20 pacientësh (6 meshkuj dhe 14 femra, mosha mesatare 40,5 vjeç) janë vlerësuar karakteristikat vijuese: qartësia, kuptueshmëria, përshtatshmëria dhe rëndësia kulturore e versionit të përkthyer.

Rezultate

Faza e parë: Kërkimi bibliografik.
Nga kërkimet dhe analizimet e shumta të artikujve të pranishëm në literaturë me qëllim vlerësimin e kapacitetit diagnostikues të pyetësorëve dhe testeve klinike të përdorur nga autorë të ndryshëm për diagnozën e DRS, pyetësori me saktësinë më të madhe diagnostikuese ka rezultuar Pediatric Sleep Questionnaire (PSQ). Në formën e tij të reduktuar me 22 pika (PSQ-SRBD), pyetësori mund të plotësohet lehtësisht nga prindërit e fëmijëve nga 2 deri në 18 vjeç duke përdorur vetëm përgjigjet "po", "jo" dhe "nuk e di". Pyetësori është i ndarë në 10 seksione dhe heton aspekte të ndryshme të cilësisë së gjumit, nga gërhitja te zakonet e sjelljes gjatë ditës dhe natës.

Faza e dytë: Vlerësimi linguistik-kulturor i pyetësorit.
Pas fazave të para të vlerësimit linguistik është krijuar versioni para final i pyetësorit i përdorur më pas për cognitive debriefing. Gjatë fazave të cognitive debriefing është plotësuar raporti final që ka mundësuar hetimin rreth nivelit të vështirësisë, kuptimit, qartësisë dhe precizionit të pyetjeve. Nga raporti final u zbulua se asnjë individ nuk paraqiste vështirësi në përgjigjen e pyetjeve. Megjithatë të gjithë individët e intervistuar kanë gjykuar shumë mirë kuptimin, qartësinë dhe precizionin e pyetësorit.
Ekzekutimi i sertë dhe preciz i hapave të kërkuar për vlerësimin linguistik-kulturor ka çuar në hartimin e versionit italian.

Konkluzione

Nga studimi i kryer mund të dalim në përfundimin se Pediatric Sleep Questionnaire në formën e tij të reduktuar me 22 pika (PSQ-SRBD) përfaqëson një pyetësor në gjuhën angleze me saktësinë më të madhe diagnostikuese për DRS te fëmijët. Procesi i vlerësimit kulturo-linguistik i pyetësorit, me aprovimin paraprak të autorit ka lejuar hartimin e versionit italian, aktualisht në përdorim, për vlerësimet psikometrike që mund të përbëjë një instrument të mëtejshëm dhe të thjeshtë diagnostikues për diagnozën e hershme të DRS te fëmijët italianë dhe mund të përdoret lehtësisht edhe nga stomatologu gjatë aktivitetit të tij klinik.

Artikullin origjinal e gjeni duke klikuar këtu.

Përktheu: Erjola Taga