Nga një studim vjen propozimi për një cement të ri ortodontik me efekt të mundshëm anti-kariogjen

Trajtimet ortodontike me aparate fikse janë shpesh shkaku i demineralizimit të smaltit të dhëmbëve me formimin e lezioneve të bardha të përkufizuara si njolla të bardha (white spot). Për të parandaluar fillimin e këtyre njollave, përveç rekomandimit të një higjiene shumë të mirë në shtëpi, pacientit i jepet gjatë gjithë trajtimit ortodontik një terapi me bazë pastash me fluor, shpëlarje me kolutor me fluor dhe nëse është e nevojshme edhe aplikimi topik i fluorit. Megjithatë, këto manovra varen nga pacienti dhe shpesh rezultojnë joefikase për shkak të pabesueshmërisë së pacientëve.

Në një studim të publikuar në Journal of Dentistry në korrik 2016 autorët propozojnë, për të ngjitur briketat ortodontike, një cement inovativ xham-jonomerik me bazë rezine (RMGI) të modifikuar me komponentë me aftësi proteinike të qëndrueshme, antibakteriale dhe rimineralizuese të smaltit.
Cementi i ri i propozuar nga autorët duket se është premtues për të parandaluar njollat e bardha në trajtimet ortodontike, gjithashtu metodika e inkorporimit të katër agjentëve bioaktivë proteinikë të qëndrueshëm, antibakterialë dhe rimineralizues, mund të gjejë aplikueshmëri të gjerë për zhvillimin e metaleve të tjera dentare bioaktive me qëllim që të frenojë kariesin.

Autorët e këtij studimi kanë vendosur në një RGMI tradicionale (Vitamer VT) 2-methacryloyl oksietil fosforilkolinë (MPC), që është proteinik i qëndrueshëm, dimetilamino hexadecyl metakrilat (DMAHDM) që është një antibakterial, nanopjesëza argjendi (NAG) dhe nanopjesëza fosfat kalciumi amorf (NACP).
Si pasojë ato kanë dashur të vlerësojnë nëse:
- inkorporimi i MPC, DMAHDM, NAG dhe NACP në RMGI tradicionale nuk do të kompromentonte forcën e adezionit të cementit në smalt;
- inkorporimi i NACP në RMGI posedon një lëshim më të madh të joneve të kalciumit dhe fosfatit në pH kariogjen,
- inkorporimi i MPC, DMAHDM, NAG në RGMI do të reduktonte përthithjen e proteinave dhe si pasojë do të reduktonte rritjen e biofilmit bakterial dhe prodhimit të acidit laktik në krahasim me cementët tradicionalë ortodontikë.
Rezultatet e studimit kanë qenë si në vijim:
Një përqindjeje më të madhe të mbushjes së RMGI me NACP i korrespondon një rritje e lëshimit të kalciumit dhe fosfatit. Duke inkorporuar MPC në RMGI ka një përthithje të reduktuar në krahasim me cementët ortodontikë tradicionalë.

Shtimi i DMAHDM dhe NAG në RMGI ka prodhuar një funksion të fortë antibakterial, duke reduktuar në mënyrë të konsiderueshme vitalitetin e biofilmit dhe prodhimit të acidit.
Llogaritja e biofilmit CFU e këtij cementi ortodontik multifunksional inovativ ka rezultuar të jetë 10³ më e vogël se ajo e cementit tradicional të kontrollit (p<0.05). Këto përfitime janë arritur pa dëmtuar forcën e adezionit ndaj smaltit (P>0,1).

Në slide - t më poshtë janë treguar grafikët që ilustrojnë rezultatet.

Nën kujdesin e: Lara Figini, Koordinatore Shkencore e Odontoiatria33

Bibliografia:
J Dent.2016 Jul;50:51-9. Orthodonticcementwithprotein repellentandantibacterialpropertiesand thereleaseofcalciumandphosphateions. Zhang N,Weir MD,Chen C,Melo MA,Bai Y,Xu HH.

Përktheu: Valbona Spahia