|

Estetika "tërheq" edhe tregun ortodontik. Rritja me dy shifra e trajtimeve me aparate biomimetike ose maskerina transparente, sipas të dhënave të Key-Stone

Në numrin e shtatorit të revistës Dental Cadmos një punim origjinal i ekipit të drejtuar nga prof. Farronato ka hetuar zgjedhjet e pacientëve përsa i përket temës së trajtimeve ortodontike estetike midis: maskerinave transparente, briketave qeramike dhe aparatit lingual të personalizuar.
Nga kërkimi, i kryer në një kampion prej 83 pacientësh nga kërkuesit e Universitetit të Milanos, del se zgjedhja bie kryesisht mbi maskerinat transparente. "Edhe për arsye ekonomike", - komentojë autorët.
Sidoqoftë, një zgjedhje, drejt trajtimeve ortodontike estetike nga ana e pacientëve adultë është konfirmuar edhe nga të dhënat e tregut .

"Trendi i madh i estetikës, i përkufizuar si një fenomen social" - thotë prof. Roberto Rosso - "po favorizon pa dyshim një kërkesë të re midis pacientëve adultë, një segment unik të vërtetë ku është e mundur të shohim rritje të përgjithshme të sektorit ortodontik."
Analiza e prezantuar nga prof. Rosso në bazë të të dhënave të tregut të fabrikave që prodhojnë dhe shpërndajnë produkte ortodontike, evidenton sesi është pikërisht "zona estetike" që po rritet.
Falë të dhënave të marra nga kërkimi i UNIDI, i zhvilluar nga Key-Stone dhe i paraqitur gjatë EXPODENTAL në Rimini, është e mundur të vlerësohet vijimësia e industrisë ortodontike në Itali dhe specifikisht, të vlerësohet evolucioni gjatë viteve në peshën e maskerinave transparente dhe ortodoncisë tradicionale, duke ndarë faturimet e fabrikave (blerjet nga klinikat dentare).

Sipas të dhënave të grumbulluara pesha e tregut industrial të makerinave ka arritur pothuajse 40%, por Rosso kujton: - "Nuk ka vend për konfuzione me numrin e rasteve të trajtuara, sepse ndërkohë që në ortodoncinë tradicionale kosto në ngarkim të dentistit (të ardhurat industriale) i referohen vetëm produktet (briketat, fashot, telat, harqet, etj.), maskerinat përfshijnë edhe shërbimin e prodhimit." Pra, vlera e përgjithshme është qartësisht më e lartë, me një raport kostoje rreth 1 - 5 ndërmjet zgjedhjes së aparatit tradicional në krahasim me maskerinën me porosi.
"Pa u futur në meritën e kostove të materialeve dhe/ose të shërbimeve, siç ka bërë në fakt kërkimi i prof. Farronato" - vazhdon presidenti i Key Stone - "arsyetimi është funksional për të kuptuar numrin e rasteve që po zhvillohen aktualisht me maskerinat, duke vlerësuar rreth 30.000 në 2015, me një kuotë të rëndësishme nëse kontekstualizohet në botën e të rriturve dhe një normë rritjeje të biznesit të jashtëzakonshëm që lulëzon me +20% ndërkohë që ortodoncia tradicionale ka një dekurs rritjeje të ngadaltë (rreth +1,5% në 2015)."

Një diskutim i ngjashëm vlen edhe përsa i përket ortodoncisë tradicionale, ku në rritje janë shitjet e briketave estetike (veçanërisht ato qeramike) në krahasim me ato metalike. "Në Itali, fabrikat nuk vënë akoma në dispozicion të dhëna specifike detajuese"- pohon Rosso - "por në Spanjë, pesha e rasteve të trajtuara me briketa qeramike e kalon 20% të totalit, pavarësisht se çmimi i këtyre pajisjeve është mesatarisht më shumë se dyfishi i versionit metalik."
Edhe pse me teknika dhe materiale të ndryshme, edhe briketat linguale futen në këtë fushë, ku industria ka zhvilluar produkte gjithnjë e më të orientuar drejt estetikës maksimale për pacientët.
"Duke guxuar për të bërë një vlerësim," - thotë Rosso - "mund të pohojmë që në Itali rreth gjysma e rasteve të reja të trajtuar janë realizuar me pajisje estetike dhe është sikur të asistohet në normën më të madhe të rritjes në termat e volumeve të përgjithshme pikërisht në këtë segment."
"Kërkimi i estetikës" - përfundon Rosso - "merr, pra, në ortodonci, një vlerë të dyfishtë të përmbledhur në dy zona motivuese: grupe gjithnjë e më të gjera popullate ndjekin një aspekt më të mirë dhe në të njëjtën kohë, kërkojnë që terapitë të jenë sa më pak invazive të jetë e mundur nga pikëpamja estetike. Edhe pse këto dy driver punojnë në nivele të ndryshme, nuk mund të konfirmojmë që ka një lidhje, në pikën që rritja e kërkesës nga ana e pacientëve adultë është pa dyshim e favorizuar nga mundësia për të zhvilluar trajtime nëpërmjet mënyrës transparente. Pra me siguri bëhet fjalë për faktorë që po ndikojnë dhe në mënyrë pozitive, rritjen e sektorit."

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 101 votim / mesatar 3 )