Rasti klinik: vlera që i shtohet literaturës ortodontike

Paola Cozza

Publikimi i një rasti klinik është finalizuar me përshkrimin e kushteve jo të zakonshme ose rastet që kërkojnë teknika terapeutike të reja ose në fazën eksperimetale.

Përgatitja e një case report ka nevojë për një selektim të kujdesshëm dhe të disa kritereve të prezantimit të domosdoshëm. Po ju sjellim pra "udhëzimet" themelore për të rritur gjithnjë e më shumë cilësinë e punës tuaj dhe të prezantimeve:
• përzgjidhni një rast me karakteristika të veçanta që mund të tërheqin vëmendjen dhe kureshtjen nga ana e personelit;
• të përshkruhet me hollësi rasti klinik duke ju referuar literaturës aktuale mbi këtë argument;
• të rishikohen në mënyrë të kujdesshme të gjitha të dhënat diagnostike që duhet të jenë të plota dhe të një cilësie të mirë;
• të vlerësohet nevoja e të dhënave shtesë për të përmirësuar nivelin e prezantimit të rastit klinik;
• të futen imazhe klinike të rastit me distancë për vlerësimin e qëndrueshmërisë së rezultateve;
• të bëhet më i thjeshtë dhe konciz teksti, por për të përshtatur të gjitha figurat me legjendat e duhura;
• të përshkruhen në mënyrë të plotë dhe të qartë karakteristikat diagnostikuese të rastit dhe mënyrat terapeutike që do zbatohen.

Edhe pse me vlerë shkencore të kufizuar në fushën e literaturës ndërkombëtare, prezantimi i rasteve klinike lejon që ortodontisti të udhëhiqet drejt një kuptimi më të mirë të trajtimin ndërdisiplinor, për të zbuluar ose për të zgjeruar njohuritë mbi materialet e reja dhe të ketë zgjidhje alternative për të përballuar sfidat klinike.
Gjithsesi duhet pranuar se një case report i vetëm paraqet një eksperiencë unike klinike dhe si e tillë nuk mund t'i mbivendoset rezultateve të pacientëve me karakteristika të ngjashme.

Ato që kanë kontrolluar dhe komiteti i redaktimit duhet të mbajnë konsideratën e duhur për selektimin e rasteve më të përshtatshëm. Vetëm një përzgjedhje e kujdesshme dhe kritike nga revistat shkencore do të lejojë me kalimin e kohës përhapjen e informacioneve të vlefshme me karakter klinik. Rëndësia e një diagnoze të personalizuar, e zhvilluar te një inivid i vetëm mbetet sidoqoftë e vetmja mënyrë e vlefshme për të përballuar dhe zgjidhur në mënyrë të përshtatshme çdo rast klinik.

Përktheu: Valbona Spahia