Bifosfonatet dhe terapia ortodontike: ndërlikimet klinike

R. Di Baria, C. Grippaudo, R. Deli

Hyrje
Bifosfonatet (BF) janë analoge sintetike të pirofosfatit inorganik që kanë një afinitet për kalciumin. Këto janë përdorur në trajtimin sëmundjeve sistemike metabolike të kockës si osteoporoza dhe osteopenia te femrat në menopauzë, osteoporoza shkaktuar nga kortikosteroidet, mieloma multiple, metastazat kockore të tumoreve të ndryshëm, hiperkalcemia dhe sëmundja e Paget në gradë të rëndë dhe te fëmijët për patologji kockore si osteogenesis imperfecta, displazia fibroze, osteoporoza në moshë të re dhe sëmundja e Gaucher. Në terapinë e kancerit BF injektohen zakonisht në rrugë endovenoze, ndërsa ato të përdorura për trajtimin e osteoporozës administrohen në rrugë orale apo injektohen në rrugë intramuskulare. Bifosfonatet në rrugë orale janë ndër 15 barnat më të përshkruar në Shtetet e Bashkuara. Bifosfonatet orale që përdoren më zakonisht janë gjithashtu ndonjëherë të lidhura me colecalciferol dhe risedronate. Pamidronati dhe acidi zoledornik janë BF-të që administrohen më shumë nëpërmjet injektimit. BF-të lidhen me matricën minerale kockore dhe reagojnë në zona me lëvizje të shumtë të kockave, në veçanti në hidroksiapatitin e ekspozuar gjatë përthithjes kockore. Janë inhibitorë të fuqishëm të aktivitetit osteoklastik dhe gëlltitja e tyre pas fagocitozës nga ana e osteoklasteve nxit apoptozën e këtyre të fundit dhe vdekjen qelizore të programuar. Rekrutimi i osteoklasteve inhibohet, ndërsa përthithja nga ana e osteklasteve nëpërmjet osteoblasteve është e limituar. Gjatë viteve të fundit numri i sinjalizimeve të osteonekrozës dhe lëvizja e ngadalësuar ortodontike që lidhen me përdorimin e BF-ve si në rrugë endovenoze si në rrugë orale është rritur. Qëllimi i këtij artikulli duke ekzaminuar literaturën në dispozicion është vlerësimi i implaktit që përdorimi i BF-ve mund të ketë në terapinë ortodontike të pacientit të rritur.

Objektivat
Ky shkrim propozon që të diskutohet përdorimi i bifosfonateve, komplikimet që lidhen me përdorimin e tyre dhe impakti në trajtimin ortodontik.

Materiale dhe Metoda
Është kryer një kërkim sistematik në "PubMed" gjatë periudhës janar 2000 - janar 2013. Janë analizuar gjithashtu zërat e veçantë bibliografikë të artikujve të identifikuar.

Rezultate dhe Konkluzione
Bifosfonatet janë barna me përdorim të shpeshtë si në rrugë orale si në rrugë sistematike për kurimin e osteoporozës ose si pjesë e një regjimi të kimioterapisë për neoplazi të ndryshme malinje. Për shkak se trajtimi ortodontik te të rriturit është bërë gjithnjë e më i pranueshëm, ortodontët duhet të jenë të vetëdijshëm për rreziqet, përfitimet dhe për efektet e bifosfonateve në gjendjen shëndetësore të pacientit në përgjithësi dhe të ndikimit të mundshëm të tyre në trajtimin ortodontik.

Artikullin origjinal e gjeni duke klikuar këtu.

Burimi: Dental Cadmos

Përktheu: Erjola Taga