Zgjerimi i shpejtë i qiellzës i ndihmuar nga kirurgjia kundrejt osteotomisë së Le Fort I të shumë segmentuar

L. Terzi, L. Esposito, C. Maspero

Objektiva: Qëllimi i këtij punimi është që të paraqesë nëpërmjet, një analize të literaturës ndërkombëtare, një tablo të plotë të metodikave të trajtimeve kirurgjike të mundshme te pacientët e rritur të prekur nga kontaktimi i diametrave transversal të maksilës, me qëllim vlerësimin e rreziqeve dhe përfitimeve të secilës.

Materiale dhe Metoda: Është kryer një rishikim i literaturës ndërkombëtare nëpërmjet përdorimit të bankës së të dhënave MedLine. Fjalët kyçe që janë përdorur ishin: "surgical palatal expansion"; "Le Fort I osteotomy"; "crossbite"; "transverse maxillary hypoplasia". Janë gjetur 41 artikuj të qenësishëm ndaj trajtimit të të rriturit të prekur nga deficiti transversal i maksilës. Janë përfshirë 38 artikuj, të botuar nga viti 1961 dhe 2011. Literatura nuk ofron një numër të gjerë të artikujve mbi këtë argument, për të cilin janë përjashtuar vetëm 3 punime që në vend të planit të trajtimit, ndaleshin në procesin diagnostikues. Janë marrë në konsideratë pra artikuj që i dedikohen në mënyrë specifike teknikave kirurgjike të zgjerimit të shpejtë të qiellzës të ndihmuar nga kirurgjia (SARPE) dhe të osteotomisë së Le Fort I të shumë segmentuar, se cilat metodika janë më të përhapura në ditët e sotme në trajtimin e pacientëve të rritur me hipoplazi transversale të maksilës. I është kushtuar vëmendje e veçantë punimeve që krahasonin dy metodikat në fjalë në lidhje me efektet klinike të sjella.

Rezultate: Te pacientët e rritur, terapia përfundimtare konsiston në një trajtim kirurgjik që ristabilizon raportin e saktë midis bazës kockore të maksilës dhe mandibulës. Dy alternativat kryesore konsistojnë në zgjerimin e qiellzës të ndihmuar nga kirurgjia (Surgically Assisted Rapid Palatal Expansion, SARPE) dhe te osteotomia e Le Fort I e shumë segmentuar.

Përfundime: Teknika SARPE duket se është trajtimi ideal për korrigjimin e deficitit transversal të maksilës edhe kur është në gjendje shumë të rëndë, të izoluar në këtë plan, ndërsa osteotomia e Le Fort I të shumë segmentuar është e dobishme për korrigjimin e defekteve transversale ≤ 7-8 mm, kurdo që këto lidhen me ndryshime edhe në planet shigjetore dhe vertikale, duke zgjidhur të gjithë okluzionin e keq në një hap të vetëm kirurgjik.

Artikullin e plotë e gjeni duke klikuar këtu.

Përktheu: Valbona Spahia