Konsiderata mbi trajtimin ortodontik te pacientët e prekur nga diabeti melit: rishikim i literaturës

L. Giannini, G. Galbiati, G. Rosso, C. Maspero, G. Farronato

Objektiva:
Diabeti melit është një sëmundje e shpeshtë dhe përhapja e tij është në rritje konstante. Prandaj, stomatologu duhet të merret gjithnjë e më shpesh me shëndetin oral të këtyre pacientëve. Qëllimi i punimit ishte ai që të përmbushte një rishikim të literaturës mbi efektet që diabeti mund të ketë në rrjedhën e një trajtimi ortodontik.

Materiale dhe Metoda:
Janë konsultuar tekstet universitare dhe baza e të dhënave Medline duke marrë në konsideratë artikuj të publikuar nga 1980 deri në 2013. Janë gjetur mbi 400 artikuj duke përdorur fjalët kyçe si: "orthodontic treatment and diabetes mellitus", "diabetes and malocclussions", "orthodontics therapy and medical disorders" dhe "oral manifestations of diabete mellitus". Midis punimeve janë marrë në konsideratë ato që ofrojnë informacione të dobishme për lidhjen midis diabetit dhe patologjive orale, veçanërisht mbi nevojën e terapisë ortodontike te pacientët e prekur nga kjo patologji.

Rezultate dhe Përfundime:
Trajtimi ortodontik te pacienti diabetik lidhet me shëndetin e tij parodontal dhe me kontrollin e sëmundjes metabolike. Nëse sëmundja nuk kontrollohet mirë, terapia ortodontike është e kundërindikuar. Nëse diabeti kompensohet mirë, pacienti mund të marrë trajtimet ortodontike me kusht që të mbajë nivele të shkëlqyera të higjienës orale për të parandaluar dëmin parodontal.

Artikulli i plotë gjendet në sektorin Të ndryshme nga dentistria në Download Center.

Përktheu: Valbona Spahia