Zhvendosja e dhëmbëve dhe trajtimi ortodontik: përmbledhje e literaturës

G. Farronato, P. Cannalire, G. Martinelli, I. Tubertini, C. Maspero

Zhvendosja e dhëmbëve konsiderohet një nëngrup i daljes ektopike të dhëmbëve. Ajo, në fakt, është një çrregullim i pozicionit të dhëmbit gjatë daljes dhe paraqet një situatë me vështirësi të veçantë diagnostikuese dhe terapeutike që mjeku duhet të përballojë ndonjëherë. Në të shkuarën janë ofruar përkufizime të ndryshme për zhvendosjen. Një përkufizim unitar është publikuar së fundi: zhvendosja e dhëmbëve përshkruhet si një shkëmbim pozicioni i dy elementëve dentar që janë ngjitur ose si zhvillimi / dalja e një dhëmbi në një vend që është i zënë normalisht nga një dhëmb që nuk është ngjitur. Si e tillë, kjo anomali është një lloj ekstrem i daljes ektopike të dhëmbit që përcakton një ndryshim në sekuencën natyrale të dhëmbëve të përhershëm.
Përmbledhja e literaturës është kryer nëpërmjet bazës së të dhënave PubMed. Fjalët e përdorura për kërkimin ishin: "Tooth Transposition orthodontics" (115 artikuj) dhe "Orthodontic transposition" (82 artikuj).

Nga artikujt e gjetur janë marrë në konsideratë vetëm ato që trajtonin një nga tematikat e mëposhtme:
                • Përhapja dhe epidemiologjia;
                • Klasifikimi i llojeve të ndryshme të zhvendosjes së dhëmbëve në nofulla
                • Etiologjia;
                • Diagnoza;
                • Trajtimi.

Zhvendosja e dhëmbëve mund të konsiderohet një mikrokozmos i keqpozicionimit të dhëmbëve për shkak të faktorëve gjenetik dhe mjedisor që duket se janë përgjegjës të shfaqjeve të okluzionit të keq. Me një metodë klasifikimi sistematik, mund të identifikohen forma të ndryshme të zhvendosjes, në mënyrë të tillë që të jetë më precize dhe e kujdesshme diagnoza. Kjo e fundit duhet të formulohet gjithmonë nëpërmjet ekzaminimit klinik dhe radiografik. Përsa i përket trajtimit, ai kryhet kryesisht nëpërmjet aparateve për drejtimin e dhëmbëve të zhvendosur ose për të rivendosur rendin normal të dhëmbëve. Në literaturë janë sjellë, sidoqoftë, raste trajtimi korrigjues nëpërmjet aparaturave të lëvizshme, zgjedhje kjo që ndonjëherë mund të sjellë një zgjidhje efikase.

Artikullin e plotë origjinal e gjeni duke klikuar këtu.

Përktheu: Valbona Spahia.