Deficiti transversal i nofullës së sipërme dhe problematikat që lidhen me veshin e mesëm

Është gjithnjë në rritje interesi i literaturës stomatologjike për lidhjet dhe ndërveprimet midis sistemit stomatognatik dhe aparateve të tjera. Një nga argumentet e studiuar veçanërisht në këtë kuptim është korrigjimi i problematikave transversale skeletike dhe/ose alveolo-dentare të nofullave:

P. Gandini, A. Tamagnone, L. Orsi

Është gjithnjë në rritje interesi i literaturës stomatologjike për lidhjet dhe ndërveprimet midis sistemit stomatognatik dhe aparateve të tjera. Një nga argumentet e studiuar veçanërisht në këtë kuptim është korrigjimi i problematikave transversale skeletike dhe/ose alveolo-dentare të nofullave: në fakt, rezultateve ortopediko - ortodontike shpesh i bashkohen efektet terapeutike që kanë pasoja në aparate të tjera, midis të cilëve aparati i dëgjimit.
Kontraktimi i nofullës së sipërme është një shfaqje e një sindrome skeletike që mund të shoqërohet me probleme rinologjike dhe sjell efekte negative në zhvillimin dento - facial. Disa nga aspektet tipike të kësaj sindrome shihen në praninë e një cross-bite bilateral tek qiellza, frymëmarrje me gojë, ngritja e dyshemesë nazale dhe stenoza nazale me zvogëlim të rrugëve të ajrit për shkak të hipertrofisë të zgjatimeve nazale. Shfaqjet dentare të kësaj sindrome përgjithësisht përballohen në mënyrë ortodontike duke kryer zgjerimin e shpejtë të nofullës. Megjithatë është e rëndësishme të kujtojmë që e tillë terapie ka efekte jo vetëm te nofulla e sipërme, por edhe tek strukturat që lidhen me të, si mandibola, kaviteti nazal, strukturat e faringut, artikulimi temporo - mandibular, veshi i mesëm dhe procesi pterigoid në formë pyke. Studime të shumta të përshkruara në literaturë kanë treguar në fakt sesi, si pasojë e veçimit të qiellzës, haset përveç zgjidhjes së cross-bite, përmirësimi i grumbullimit të dhëmbëve, zgjerimi i rrugëve ajrore nazale dhe përmirësimi i dëgjimit të llojit transmetues që vjen për shkak të veshit të mesëm dhe gypave të Eustakut.
Tek pacientët e prekur nga humbja e dëgjimit me origjinë përçuese që shoqërohet me një mospërputhje të nofullës, zgjerimi i qiellzës mund të favorizojë një rifitim të funksionit të dëgjimit duke sjellë në një funksionim më fiziologjik hapjen e faringut të tubit të Eustakut. Përmirësimi i deficitit të dëgjimit mund të konsiderohet një pasojë pozitive të zgjerimit, por ndërprerësi nuk duhet të mendohet si një element terapeutik ku ekziston një humbje dëgjimi që nuk shoqërohet me një kontraktim të nofullës së sipërme.

Artikulli i plotë gjendet në seksionin Të ndryshme nga dentistria në Download Center.

Përktheu: Valbona Spahia