Trajtimi i bruksizmit me bite natën dhe vëzhgimi për një kohë të gjatë: të dhënat elektromiografike

Statistika të fundit tregojnë se 30% e popullsisë adulte është prekur nga fenomeni i bruksizmit (kërcitja e dhëmbëve).Te 20% gjendet një bruksizëm gjatë ditës dhe tek 10% një bruksizëm gjatë natës. Kjo përqindje ka gjasa të rritet së fundmi në popullsi duke përfshirë grup moshën 25 – 45 vjeç

Lara Figini

Statistika të fundit tregojnë se 30% e popullsisë adulte është prekur nga fenomeni i bruksizmit (kërcitja e dhëmbëve). Te 20% gjendet një bruksizëm gjatë ditës dhe tek 10% një bruksizëm gjatë natës. Kjo përqindje ka gjasa të rritet së fundmi në popullsi duke përfshirë grup moshën 25 - 45 vjeç, për shkak se kërcitja e dhëmbëve lidhet ngushtë me gjendjet e ankthit dhe stresit. Bruksizmi gjatë natës (SB) është një shqetësim gjatë gjumit që konsiderohet si një nga faktorët kryesor të rrezikut në shkaktimin e veshjes së dhëmbëve, përparimin e sëmundjeve periodontale, dëmet apo thyerjen e protezës apo implanteve, problemeve muskulo - skeletike si hipertrofia muskulore e përtypjes dhe çrregullimet me kalimin e kohës të dhëmballëve. Trajtimi më i zakonshëm është vendosja e një bite* gjatë natës , që ka dy funksione, e para të mbrojë dhëmbët dhe e dyta të qetësojë muskujt e faqeve që lidhen me mbylljen e gojës. Studime të ndryshme kanë treguar që përdorimi i një bite stabilizuese gjatë natës redukton aktivitetin e muskujve të faqes që ndihmojnë në mbylljen e nofullës në 50% të rasteve (Pierce CJ, Gale EN.1988 ; Clark GT et al. 1978), por me një vëzhgim për një kohë të gjatë, të tjera studime kanë treguar që pasi hiqet bite aktiviteti i kërcitjes së dhëmbëve kthehet njësoj si më parë për dy javë. Studime të ndryshme konfirmojnë efektet e mira të bite për një kohë të shkurtër (Harada T, Ichiki 2006 ; Landry ML, 2006; Kato T 1999)
Por është e mundur të mbahen edhe për një kohë të gjatë, nuk e "dënojnë" pacientin me përdorimin e maskës për gjithë jetën?
Një studim i fundit i botuar në Journal of Oral rehabilitation në prill 2015 propozon një metodë, në të cilën pacienti duhet të mbajë një bite "me ndërprerje" me të cilën, sipas të dhënave elektromiografike, duket se arrihet të reduktohet aktiviteti i bruksizmit edhe për një kohë të gjatë. Në këtë studim 20 pacientë me bruksizëm janë caktuar në mënyrë rastësore në grupin " e vazhdueshëm" ose në grupin "me ndërprerje". Individët në grupin "e vazhdueshëm" kanë mbajtur bite natën për 29 netë me radhë, ndërsa ato të grupit tjetër kanë mbajtur bite në mënyrë të alternuar, domethënë kanë vënë bite nga nata e parë deri tek e shtata dhe nga nata e pesëmbëdhjetë deri në natë e njëzet e nëntë.
Është regjistruar aktiviteti i muskujve të faqes që ndihmojnë në mbylljen e gojës gjatë gjumit me gjashtë intervale:

Përpara fillimit të kohës 0 (bazë)

Menjëherë pas fillimit
1, 2, 3 dhe 4 javë pas vënies së bite

Janë analizuar numri i provave elektromiografike gjatë natës i muskujve të faqes që ndihmojnë në mbylljen e nofullës, kohëzgjatja e tyre dhe aktiviteti i plotë i bruksizmit.
Në grupin e vazhdueshëm është parë që provat elektromiografike muskujt e faqes që ndihmojnë në mbylljen e nofullës gjatë natës janë reduktuar në mënyrë të konsiderueshme menjëherë dhe një 1 javë pas vendosjes së bite për stabilizim edhe kohëzgjatja rezulton e reduktuar menjëherë pas vendosjes. Ndërsa në grupin "me ndërprerje" provat elektromiografike e muskujve të faqes që ndihmojnë në mbylljen e nofullës gjatë natës dhe kohëzgjatja rezultojnë të reduktuar në mënyrë të konsiderueshme menjëherë më pas por edhe mbas 4 javësh pas vendosjes së bite (P<0,05, test i Dunnett).
Përdorimi i bite gjatë natës me alternim javësh për një muaj, në bazë të të dhënave të këtij studimi, duket se garanton efekte të mira jo vetëm për një kohë të shkurtër por edhe për një kohë të gjatë, nëse krahasohet me atë që përdoret në mënyrë të vazhdueshme për një muaj. Nëse studimet e tjera në literaturën e së ardhmes do të konfirmojnë këto të dhëna ka shpresa të mira për pacientët e prekur nga brukzismi që të mos jetë të "dënuar" me bite për një kohë të gjatë.
Bite* - maskë që vendoset në mes të dhëmbëve dhe pengon kafshimin

Bibliografia:
The effect of intermittent use of occlusal splint devices on sleep bruxism: a 4-week observation with a portable electromyographic recording device. Autori: Matsumoto H, Tsukiyama Y, Kuwatsuru R, Koyano K.

J Oral Rehabil. 2015 Apr;42(4):251-8

Përktheu: Valbona Spahia