Dhëmbët supernumerarë: faktorët që lidhen me komplikacionet e ekstraksioneve të tyre

Nga Lara Figini

Dhëmbët supernumerarë kanë një frekuencë zhvillimi, në denticionin permanent, nga 0,15% dhe 3,9% te kaukazianët deri në më shumë se 3% tek individët e racave mongole.
Etiologjia e dhëmbët supranumerarë nuk është kuptuar mirë, por janë hedhur hipoteza të ndryshme; një nga këto i atribuohet formimit të tyre në dikotominë e embrionit të dhëmbit, ndërsa të tjera ia atribuojnë hiperaktivitetit të laminës dentare ose një kombinimi të faktorëve gjenetikë dhe mjedisorë.
Sindroma të ndryshme (si labioschisi dhe labiopalatoschisi, disostoza kleidokraniale dhe sindroma e Gardner) lidhen me praninë e dhëmbëve supernumerarë.
Pjesa më e madhe e dhëmbëve supranumerarë janë asimptomatikë, ndërsa disa mund të shkaktojnë komplikacione, si reduktimi i tepërt i hapësirës në harkadë, formimi i cisteve, rrotullimi dhe eruptimi i vonuar i elementeve të tjerë dentarë dhe rezorbimi radikolar i dhëmbit ngjitur, arsye të cilat çojnë në ekstraksionin e tyre.

Tipologjia e kërkimit dhe modaliteti i analizës
Në një studim retrospektiv të publikuar në Oral Surgery, Oral Medicine, Oral Pathology dhe Oral Radiology në gusht 2020, autorët kanë identifikuar karakteristikat e dhëmbëve supernumerarë, kanë analizuar komplikacionet që lidhen me to dhe kanë paraqitur njohjet e reja klinike mbi ndërhyrjet kirurgjikale për këto elemente dentarë.
Studimi ka analizuar kartelat klinike dhe radiografitë e pacientëve që i janë nënshtruar ekstraksioneve kirurgjikale të dhëmbëve supernumerarë. Janë studiuar lidhjet ndërmjet moshës së pacientit, gjinisë, karakteristikave anatomike të dhëmbëve supernumerarë dhe prania apo lloji i komplikacionit (për shembull, rrotullim, eruptim i vonuar i dhëmbit ngjitur, formim i cisteve).
Grupet janë krahasuar duke përdorur testin U të Mann-Whitney, testin e Kolmogorov-Smirnov dhe analizën e regresionit logjistik multiple (P <.05).

Rezultate
Studimi ka përfshirë 705 pjesëmarrës që i janë nënshtruar esktraksionit për 1036 dhëmbë supernumerarë. Mesatarja e pjesëmarrësve ka qenë 11,5 vjeç dhe 73,5% e pjesëmarrësve ishin meshkuj.
Norma e komplikacioneve ka rezultuar 55,6%. Variablat që lidheshin me një shtim të riskut të komplikacioneve kanë rezultuar: mosha e pacientit, lloji i denticionit, forma tuberkulare dhe drejtimi horizontal i eruptimit.

Konkluzione
Nga rezultatet e këtij studimi, që duhet të konfirmohen me punime të tjera analoge, mund të dalim në konkluzionin se rritja e moshës së pacientit, anomalitë e formës dhe drejtimi i eruptimit të dhëmbëve supranumerarë janë faktorë që lidhen me komplikacionet pas ekstraksionit.
Këto parametra duhet të vlerësohen mirë gjatë formimit të planit të trajtimit.

Implikime klinike
Në të ardhmen do të jenë të nevojshme studime të tjera krahasuese të bazuara në follow up afatgjatë qoftë për pacientët që i janë nënshtruar ndërhyrjeve kirurgjikale qoftë për ata që nuk kanë pasur si shkak elementet dentarë supernumerarë.

Për më shumë informacione:
Si-Yeon Park, Hyo-Jin Jang, Dae-Seok Hwang, Yong-Deok Kim, Sang-Hun Shin, Uk-Kyu Kim, e Jae-Yeol Lee. Complications associated with specific characteristics of supernumerary teeth. Oral Surg Oral Med Oral Pathol Oral Radiol 2020;130:150-5.

Përktheu: Valbona Spahia