Fluksi dixhital për aparatin ortodontik të personalizuar

Nga fotografia e fytyrës së pacientit dhe marrja e gjurmëve në harkadat dentare deri në përfundim të rastit. Një rast klinik ortodontik i zhvilluar me instrumente dixhitale nga dr. Pironi

Nga Marco Pironi

Futja progresive e teknologjive dixhitale në botën e ortodoncisë ka sjellë mundësinë për të organizuar aparatet e personalizuara, vlen për t'u theksuar projektimi dhe krijimi në mënyrë të personalizuar për çdo pacient, në bazë të objektivave të një trajtimi.
Në këtë artikull paraqitet rasti klinik i një djali 14 vjeç, që vjen nën observimin tonë me kërkesën për një trajtim ortodontik për të përmirësuar buzëqeshjen, veçanërisht rreshtimin e incizivëve superiorë.
Prandaj është kryer një studim i rastit që përveç ekzaminimit klinik, parashikon kryerjen e një serie fotografish të fytyrës dhe të dhëmbëve, gjurmët dixhitale të harkadave dentare nëpërmjet një skanimi optik dhe përftimin e një seti radiografik dixhital që përfshin ortopantomografinë dhe teleradiografinë në projektime laterale dhe frontale.
Radiografitë dixhitale janë veçanërisht të rëndësishme kur paraqesin elementin diagnostikues nga i cili e ka origjinën fluksi i punës; në fakt lejojnë nëpërmjet ekzaminimit cefalometrik, që të përcaktohet pozicioni i saktë i dhëmbëve dhe pra të planifikohen spostimet ortodontike të nevojshme për të arritur objektivat e dëshiruar. Fotot e fytyrës tregojnë një profil retrognatik dhe ngurrimin e pacientit për të buzëqeshur (fig. 1).

Fig. 1

Ekzaminimi intraoral tregon një okluzion të klasës 2 djathtas dhe të klasës 1 majtas me pasojë devijimin djathtas të linjës mediane inferiore. Për më tepër është i pranishëm një grumbullim i moderuar i dhëmbëve në të dyja harkadat (fig. 2).

Fig. 2

Ortopantomografia e kryer me aparaturën Hyperion (MyRay), evidenton gjendjen e mirë të dhëmbëve dhe kondilave mandibulare, si edhe praninë e mikrobeve te molarët e tretë (fig. 3).

Fig. 3

Teleradiografitë laterale dhe frontale, të kryera gjithmonë me aparaturën Hyperion të MyRay, na lejojnë të identifikojmë në mënyrë perfekte të gjitha strukturat anatomike, skeletin, dhëmbët dhe indet e buta, që janë të domosdoshëm për kryerjen e një analize të saktë cefalometrike, bazën e diagnozës dhe planit të trajtimit (fig. 4).

Fig. 4

Në rastin e ekzaminimit, analiza cefalometrike e kompjuterizuar e kryer me softuerët Nemoceph (Nemotec) evidenton në projektime laterale një klasë 1 skeletike, një tipologji brakifaciale dhe një pozicion patologjik të incizivëve superiorë dhe inferiorë që shfaqen në retropozicion në krahasim me bazat skeletike respektive (biretruzion inciziv) dhe të anuar nga ana linguale (torque i pamjaftueshëm).
Kjo situatë konfiguron një të ashtuquajtur "muri inciziv" që mund të dëmtojë funksionin korrekt okluzal dhe artikulacionet temporo-mandibulare përveçse të penalizojë estetikisht buzëqeshjen. Analiza cefalometrike në planin frontal tregon raporte të mira transversale ndërmjet maksilës dhe mandibulës, e konfirmon devijimin djathtas të linjës mediane inferiore.
Për planifikimin e trajtimit ortodontik kemi kryer një vto cefalometrike që simulon pozicionin e saktë që duhet të arrijnë incizivët në fund të trajtimit (fig. 5).

Fig. 5

Vto cefalometrike lejon identifikimin e lëvizjeve të sakta që incizivët duhet të kryejnë në planin sagital dhe vertikal.
Për të plotësuar planifikimin e trajtimit, që duhet të jetë tridimensional, përdorim setup virtual. Procedojmë pra me skanimin e harkadave dentare me anë të skanerit Trios (3Shape) (fig. 6).

Fig. 6

File i skanimit intraoral është ngarkuar më pas në aplikacionin web Insigna (Ormco) ku harkadat janë segmentuar (pra dhëmbët janë ndarë nga njëri tjetri) dhe ku është kryer drafti i parë i setup-it virtual nga ana e teknikëve Insigna.
Më pas, gjithnjë në aplikacionin web Insigna kemi perfeksionuar dhe plotësuar setup-in virtual. Për të vendosur pozicionin dhe pjerrësinë e incizivëve superiorë dhe inferiorë jemi bazuar në vlerat e vto cefalometrike (fig. 7).

Fig. 7

Sapo ka përfunduar setup-i virtual kemi kërkuar në laboratorin Insigna prodhimin e një aparature të personalizuar me qëllim rritjen e riprodhimit klinik të planifikimit tonë 3D (fig. 8).

Fig. 8

Aparati i personalizuar është formuar nga një seri braketash dhe nga një sekuencë e harkadave plotësisht të personalizuara. Për më tepër, parashikohen guida transparente (jig) për ta bërë sa më të saktë ngjitjen e braketave te dhëmbët, që do të bëhet në mënyrë indirekte (fig. 9).

Fig. 9

Në figurat 10-15 tregohet aplikimi klinik i aparatit të personalizuar.

Fig. 10

Fig. 11

Fig. 12

Fig. 13

Fig. 14

Fig. 15

Analiza cefalometrike përfundimtare dhe mbivendosja fillim-fund e trajtimit tregojnë që, të paktën në këtë rast, aparati i personalizuar ka qenë efikas në përcaktimin e një pozicioni të saktë dhe një pjerrësie të përshtatshme të incizivëve superiorë dhe inferiorë (fig. 16).