Bruksizmi infantil gjatë natës dhe korrelacioni me çrregullimet e tjera të gjumit

Bruksizmi gjatë gjumit (SB) është për fat të keq një fenomen gjithmonë e më i zakonshëm edhe te fëmijët [Manfredini 2013].
Disa sjellje që lidhen me gjumin si gërhitja, frymëmarrja orale, gjumi i shqetësuar, humbja e pështymës gjatë gjumit, pozicioni i trupit gjatë gjumit dhe koha e papërshtatshme e gjumit janë evidentuar si faktorët e riskut apo faktorët që lidhen me bruksizmin SB te fëmijët [Guo 2017].

Sasia dhe cilësia e gjumit të përshtatshëm janë thelbësore për shëndetin e fëmijëve pasi ndikojnë në sjelljen emocionale gjithashtu dhe në kapacitetin e të mësuarit dhe të vëmendjes gjatë ditës. Gjithashtu është parë se të ndryshosh zakonet që lidhen me gjumin (p.sh. të lexosh apo të shikosh TV para se të shkosh për të fjetur, të flesh në shtratin tënd apo me prindërit) mund të çojnë në fillimin e çrregullimeve të gjumit te fëmijët [Sateina 2014]. Informacionet mbi argumentin janë për fat të keq akoma të fragmentuara, për shkak të studimeve të pakta që lidhen me të.

Në një studim të publikuar në Journal of Dentistry në nëntor 2017, bëhet fjalë pikërisht për këtë argument.
Studimi është projektuar për të verifikuar hipotezat e mëposhtme:
1: sjelljet e gjumit janë të ndryshme te fëmijët dhe me frekuenca të ndryshme bruksizmi SB të raportuara nga prindërit
2: lidhja ekzistuese midis bruksizmit gjatë natës SB dhe sjelljeve të fëmijës gjatë gjumit
3: korrelacioni midis bruksizmit dhe kushteve socio-ekonomike
Në studimin në fjalë, prindërve të 1475 fëmijëve kolumbianë me moshë midis 9,8 +/- 1,6 vjeç, që i përkasin 3 niveleve të ndryshme sociale, i është dhënë që të plotësojnë një pyetësor me pyetje që kanë të bëjnë me gjumin e fëmijëve (pyetësor mbi sjelljet e gjumit të Childrens [CSHQ]). Ndryshimet midis sjelljeve të ndryshme të gjumit janë vlerësuar duke përdorur ANOVA dhe testin post-hoc Bonferroni apo testin post-hoc të Kruskal-Wallis dhe Dunn.

Pyetjet e pyetësorit kishin të bënin me:
• orarin e fjetjes gjatë javës
• orarin e zgjimit në mëngjes gjatë javës
• kohën e gjumit ditor gjatë javës
• orarin e fjetjes gjatë fundjavës
• orarin e zgjimit mëngjesor gjatë fundjavës
• zakonin e fjetjes në të njëjtën orë në darkë
• zakonin e fjetjes në shtratin e vet apo në atë të prindërve
• rezistencën nga ana e fëmijës apo vështirësitë për të fjetur
• frikën për të fjetur vetëm
• përgjumjen në harkun e 20 minutave
• kohëzgjatjen e gjumit dhe nëse është e njëjta gjatë javës
• agjitacionin gjatë gjumit
• gërhitjen
• çrregullimet e frymëmarrjes apo vështirësitë
• parasomnias
• zgjimin vetë në mëngjes
• zgjimin me vështirësi në mëngjes
• zgjimin mëngjesor me gjendje shpirtërore negative
• zakonin për t'u përgjumur me tv apo lexim
Nga studimi është zbuluar se adoptimi i rregullt i zakoneve që lidhen me gjumin (pra i sjelljeve të marra para, gjatë dhe pas gjumit) dhe rregullatorët e orareve të fjetjes në darkë, zgjimi mëngjesor dhe kohëzgjatja e gjumit janë të gjithë faktorë të rëndësishëm për të reduktuar riskun e fillimit të çrregullimeve të gjumit.
Ndër sjelljet e shumta të gjumit të marra në testim, disa çrregullime të parasomnias, duket se janë të lidhura me bruksizmin infantil të raportuar nga prindërit (vështirësi në frymëmarrje, agjitacion gjatë natës, ankth gjatë natës). Ndikimi i kushteve socio-ekonomike nuk duket në fakt të jetë i lidhur me bruksizmin infantil. Por në fakt janë të nevojshme studime të tjera specifike mbi këtë argument për të konfirmuar këto rezultate.

Nën kujdesin e: Lara Figini, Koordinatore Shkencore e Odontoiatria33

Për më tepër lexoni dhe:
D. Manfredini, C. Restrepo, K. Diaz-Serrano, E. Winocur, F. Lobbezoo, Prevalence of sleep bruxism in children: a systematic review of the literature, J. Oral Rehabil. 40 (2013) 631¨C642.
H. Guo, T. Wang, X. Li, Q. Ma, X. Niu, J. Qiu, What sleep behaviors are associated with bruxism in children? A systematic review and meta-analysis, Sleep Breath. (2017) 1¨C11,
M.J. Sateia, International classification of sleep disorders-third edition: highlights and modifications, Chest 146 (2014) 1387¨C1394. J Dent. 2017 Nov;66:83-90.
Sleep behaviors in children with different frequencies of parental-reported sleep bruxism. Restrepo C1, Manfredini D2, Lobbezoo F3.

Përktheu: Erjola Taga