File rrotullues vs file reciprocating: cilët janë më pak traumatikë?

Një përgatitje korrekte kanalare në endodonci duhet të parashikojë eliminimin e ngarkesës bakteriale sa më shumë të jetë e mundur nga sistemi kanalar duke ruajtur integritetin anatomik kanalar, duke shmangur stripping, transportet apikale dhe formimet e microcrack apo mikro frakturave, që përballë ngarkesave të rëndësishme okluzale apo jo korrekte, dalëngadalë mund të rëndohen deri në atë pikë sa të zhvillohen fraktura të mirëfillta vertikale të rrënjës, fatale për elementin dentar në fjalë.

Pranë instrumenteve manuale tradicionale në 30 vitet e fundit janë hedhur në treg instrumentet rrotullues në nikel-titan (NiTi) me modele të ndryshme që ofrojnë shumë avantazhe në krahasim me file konvencionale, si për shembull një fleksibilitet më i madh që redukton kohën e punës. Megjithatë instrumentet në NiTi janë akoma të lidhur me një risk intrisek të frakturës së vetë instrumentit dhe me incidencë formimi të çarjeve dentinale. Të futura së fundmi janë sistemet e instrumenteve kanalare me një file të vetëm reciprocating si WaveOne (Dentsply Maillefer, Ballaigues, Zvicër) dhe reciproc (VDW, Munih i Bavarisë, Gjermani) në gjendje që të kompletojë përgatitjen e kanalit të rrënjës vetëm me një file, duke kërkuar kështu më pak kohë edhe në krahasim me përgatitjet e kryera me file rrotullues me sekuencë të plotë. Këto file janë krijuar nga një lidhje speciale M-Wire, pajisur me një fleksibilitet të shkëlqyer dhe me lëvizjen e tyre të alternuar me shpejtësi të paracaktuar dhe këndet rrotulluese duhet të lehtësojnë stresin mbi paretet dentinale duke reduktuar riskun e një lodhje ciklike.
Sipas një rishqyrtimi sistematik të publikuar në Journal of Dental Materials të majit 2017, file WaveOne dhe Reciproc me lëvizje të alternuar prodhojnë në mënyrë domethënëse më pak microcrack dentinal në krahasim me teknikën tradicionale me sekuencë rrotulluese të plotë si ajo e ProTaper.

Autorët kanë kryer kërkimin e artikujve mbi argumentin nëpërmjet PubMed, ISI Web of Knowledge, Embase dhe Cochrane Library, duke përdorur një kombinim fjalësh kyçe të paracaktuar të quajtur search strategy. Titujt e abstrakteve të të gjithë artikujve janë vlerësuar në mënyrë të pavarur nga dy revizorë sipas kritereve të paracaktuara të përfshirjes. Artikujt e konsideruar të rëndësishëm janë marrë në formë të plotë. Të dhënat në këto artikuj janë ekstraktuar në mënyrë të pavarur. Një metanalizë është kryer duke përdorur Review Manager 5.3.

Kriteret e përfshirjes kanë qenë si më poshtë:
• studimet eksperimentale in vitro të kryera në dhëmbë njerëzorë të ekstraktuar
• studime që krahasonin instrumentet kanalare të kryera me një file reciprocating të vetëm (ProTaper ose Mtwo)
• studime që do të analizonin dhëmbët e përgatitur dhe të prerë horizontalisht 3, 6 dhe 9 mm nga apeksi, me stereomikroskop apo mikroskop elektronik me skanim (SEM).
Nga rezultatet e metanalizës së këtij rishikimi zbulohet se file WaveOne dhe Reciproc me një file të vetëm dhe me lëvizje reciprocating rezultojnë të jenë më pak traumatike duke garantuar në mënyrë domethënëse një formim më të vogël të microcrack apo çarjeve dentinale në krahasim me ato konvencionale ProTaper me lëvizje rrotulluese dhe me sekuencë të plotë. Motivi mund të merret parasysh si me numër të vogël pasazhesh që kryhen me metodën e një file të vetëm në krahasim me atë me sekuencë të plotë, si me lëvizje reciprocating, por janë të nevojshme studime të tjera in vitro dhe in vivo për të konfirmuar këto të dhëna.

Nën kujdesin e: Lara Figini, Koordinatore Shkencore Odontoiatria33

Për më tepër:
Wei X, Hu B, Peng H, Tang M, Song J. The incidence of dentinal cracks during root canal preparations with reciprocating single-file and rotary-file systems: A meta-analysis.Dent Mater J. 2017 May 31;36(3):243-252.

Përktheu: Erjola Taga