Heqja e instrumenteve të thyera endodontike në kanale: nga kërkimi, propozimi i një metodike të re krahasuar me majat me ultratinguj

Instrumentet kanalare rrotulluese në nikel titan të përdorura prej dekadash në endodonci zotërojnë një kapacitet të mirë modelimi dhe ofrojnë një shkallë suksesi më të mirë krahasuar me modelimit tradicional manual, mbi të gjitha në duar jo veçanërisht eksperte. Megjithatë shpesh mund të verifikohet thyerja e këtyre instrumenteve, komplikim që mund të pengojë procedurat kanalare dhe të influencojë në rezultatin përfundimtar. Heqja e fragmenteve të instrumenteve me nikel titan shpesh rezulton të jetë e lodhshme dhe ndonjëherë e pamundur pa shkaktuar dëmtime në rrënjë.

Të shumta janë teknikat e përdorura për rikuperimin e file-eve të thyer. Nevojitet që të përgatisim një zgjerim të caktuar të kanalit radikolar të kurorës së fragmentit që të mund të rikuperojmë me sukses fragmentin e thyer. Deri më sot teknika më e përdorur dhe me sukses për heqjen e instrumenteve të ndarë in vitro dhe in vivo është provuar të jetë përdorimi i majave me ultratinguj në bashkëpunim me mikroskopin operator. Kohët e fundit është propozuar një sistem i ri frezash rrotulluese me diametër të vogël (Micro-Retrieve & Repair System; Superline NIC Dental, Shenzhen, China) me një diametër të jashtëm që varion nga 0,7 - 1,2 mm dhe me trashësi 0,15 mm për heqjen e instrumenteve të thyer në kanale. Sistemi konsiston në freza dhe mikro tuba.
Përveç një diametri të jashtëm të vogël, ky sistem i ri parashikon dhe rregullimin e gjatësisë, si të frezave si të mikro tubave, sipas rrethanës për të përmirësuar aksesin edhe të zonave molare që arrihen me shumë vështirësi. Freza "gërmuese" aktivizohen me një motor endodontik në sens antiorar. Kur fragmenti ekspozohet për 1 - 1,5 mm gjatësi përdoret mikro tubi për të nxjerrë fragmentin.

Në një studim kinez in vitro, të publikuar në Journal of Endodontics janar 2017, autorët kanë vlerësuar efektet në dentinën radikolare të dy teknikave për heqjen e instrumenteve endodontike të thyera, atë me maja me ultratinguj krahasuar me Micro-Retrieve & Repair System në kanale meziale të molarëve inferior me ndihmën e tomografisë së mikro-kompjuterizuar. Autorët kanë marrë në konsideratë 21 dhëmbë me një konfigurim anatomik të ngjashëm. 4/5 mm nga gryka apikale kanë thyer vullnetarisht në kanalet meziale një segment file K3 25 / .06.
Një skanim i mikro-CT është kryer para dhe pasi është hequr instrumenti i thyer. Janë hequr kështu instrumentet e thyer me dy teknikat. Në vijim janë matur vëllimi kanalar, diametri, trashësia radikolare në nivelin e formimit dhe koha e kërkuar për heqjen e fragmenteve.

Rezultatet e përftuara nga autori kanë qenë të mëposhtmet:
Teknika Micro-Retrieve & Repair System ka treguar se ka më pak impakt në vëllimin e kanalit, në diametër dhe në variacionin e trashësisë radikolare në nivelin e formimit, duke rezultuar më konservative në krahasim me ultratingujt.
Edhe koha e shpenzuar për heqjen e fragmenteve ka rezultuar shumë më e vogël në grupin Micro-Retrieve & Repair System (8,9 +/- 3,5 minuta) në krahasim me grupin me ultratinguj (25 +/-11,9 minuta) (P <.001).
Teknika e re Micro-Retrieve & Repair System për procedurën e heqjes së instrumenteve të thyer nga kanalet radikolare, bazuar në freza dhe mikro tuba me dimensione të vogla nga ky studim in vitro duket se ofron një ruajtje më të madhe të indit radikolar dentinal në krahasim me përdorimin e ultratingujve duke garantuar heqje më të vogël të dentinës dhe një kohë të nevojshme më të shkurtër. Kjo metodikë ka nevojë për studime të mëtejshme in vivo që të konfirmojë rezultatet in vitro.

Nën kujdesi e: Lara Figini, Koordinator Shkencor Odontoiatria33

Për më tepër:
Evaluation of Two Trephine Techniques for Removal of Fractured Rotary Nickel-titanium Instruments from Root Canals. Qian Yang, Ya Shen, Dingming Huang, Xuedong Zhou, Yuan Gao, Markus Haapasalo J Endod gennaio 2017;43:116-120)