Larjet kanalare: në çfarë thellësie duhet të arrijmë?

Në trajtimet kanalare një hap thelbësor është përfaqësuar nga larjet kanalare, që përveç se kanë qëllimin për dezinfektim kanë dhe atë të heqjes së mbetjeve organike dhe inorganike, të karakterizuara nga kontaminimi bakterial dhe nëse lihen janë burim për infeksione të tjera bakteriale në të ardhmen.

Autorë të ndryshëm në literaturë kanë sinjalizuar se instrumentet mekanike mund të japin si efekt të padëshirueshëm akumulimin e mbetjeve organike dhe inorganike sidomos në zona ku ka istmus, degëzime kanalare dhe parregullsi anatomike (Paquè et al. 2009, De-Deus et al. 2015, Versiani et al. 2016). Rezulton kështu thelbësore që të garantojmë një irrigim të vlefshëm dhe efikas që të mund të heqim sasinë më të madhe të mbetjeve edhe në zonat kanalare që arrihen me shumë vështirësi.

Efikasiteti i irrigimit bazohet në shumë variabla, ndër të cilat anatomia kanalare, metodika e irrigimit, vëllimi, fluksi dhe lloji i irrigimit, kështu si dhe lloji dhe diametri i ages së përdorur për larjet. Përveç këtyre faktorëve irrigimi kanalar është përcaktues edhe në heqjen e mbetjeve organike dhe inorganike (Abou-Rass & Piccinino 1982, Chow 1983, Albrecht et al. 2004, Sedgley et al. 2005, Hsieh et al. 2007).

Sipas një studimi të kohëve të fundit të publikuar në International Endodontic Journal, qershor 2017, thellësia e futjes së ages së irrigimit ndikon ndjeshëm në heqjen e mbetjeve inorganike. Një majë e ages e pozicionuar 1 mm nga gjatësia e punimit ka çuar në nivele përqindje të heqjes së mbetjeve të indit të fortë pothuajse tre herë më shumë se ajo e ofruar nga agia e irrigimit e pozicionuar 5 mm nga gjatësia e punimit.

Autorët kanë marrë 20 molarë mandibular në mënyrë anatomike dhe me përmasa morfologjike të ngjashme në të cilët ishte i pranishëm një istmus i identifikuar me micro-CT device (SkyScan 1173; Bruker micro-CT, Kontich, Belgium). Janë seleksionuar 20 molarë të poshtëm me rrënjë meziale me istmus të tipit I (në formë shiriti dhe të shtrënguar që lidh plotësisht dy kanalet meziale) ose të llojit III (istmus jo i plotë ekzistues mbi ose nën një istmus komplet).

Në bazë të thellësisë së irrigimit dhëmbët janë ndarë në mënyrë rastësore në dy grupe respektivisht me 10 kampione:

- Grupi 1: maja e ages së shiringës për irrigim çohej deri në 1mm nga gjatësia e punimit
- Grupi 2: maja e ages së shiringës për irrigim çohej deri në 5 mm nga gjatësia e punimit (WL).

Instrumentimi kanalar është kryer me file Reciproc R25 (dimensione të majës 25, 0,08 konike) dhe është përdorur hipoklorit sodiumi me 5,25% si irrigues.

Larja finale është kryer me EDTA 17% ndjekur nga uji i bidistiluar.

Kështu janë ekzaminuar sërish kampionet me micro-CT për të kuantifikuar sasinë e mbeturinave inorganike të mbetura.

Nga rezultatet e shfaqura nga studimi është parë se me asnjërën nga thellësitë e futjes së ages për irrigim nuk është mundur të garantohet një sistem kanalar plotësisht pa mbeturina të mbetura. Thellësia e futjes së ages luan një rol thelbësor në heqjen e mbetjeve me një reduktim domethënës të vëllimit në përqindje të mbetjeve inorganike të mbetura kur agia çohet deri në 1 mm nga gjatësia e punimit (P<0,005).

Nën kujdesin e: Lara Figini, Koordinatore Shkencore Odontoiatria33

Për më tepër:
• De-Deus G, Marins J, Silva EJ et al. (2015). Accumulated hard-tissue debris produced during reciprocating and rotary nickel-titanium canal preparation. Journal of Endodontics 41, 676-81.
• Paque F, Laib A, Gautschi H, Zehnder M (2009). Hard-tissue debris accumulation analysis by high-resolution computed tomography scans. Journal of Endodontics 35, 1044-7.
• Versiani MA, Alves FR, Andrade-Junior CV et al. (2016) Micro-CT evaluation of the efficacy of hard-tissue removal from the root canal and isthmus area by positive and negative pressure irrigation systems. International Endodontic Journal 49, 1079-87.
• Abou-Rass M, Piccinino MV (1982). The effectiveness of four clinical irrigation methods on the removal of root canal debris. Oral Surgery, Oral Medicine, Oral Pathology and Endodontics 54, 323-8.
• Chow TW (1983). Mechanical effectiveness of root canal irrigation. Journal of Endodontics 9, 475-9.
• Albrecht LJ, Baumgartner JC, Marshall JG (2004). Evaluation of apical debris removal using various sizes and tapers of ProFile GT files. Journal of Endodontics 30, 425-8.
• Hsieh YD, Gau CH, Kung Wu SF, Shen EC, Hsu PË, Fu E (2007). Dynamic recording of irrigating fluid distribution in root canals using thermal image analysis. International Endodontic Journal 40, 11-7.
• Sedgley CM, Nagel AC, Hall D, Applegate B (2005). Influence of irrigant needle depth in removing bioluminescent bacteria inoculated into instrumented root canals using real-time imaging in vitro. International Endodontic Journal 38, 97-104.
• Perez R, Nevse AA, Belladonna FG, Silva EJNL, E. M. Souza EM, Fidel1 S, Versiani MA, Lima I,Carvalho C & G. De-DeusG.Impact of needle insertion depth on the removal of hard-tissue debris. International Endodontic Journal, 50, 560-568, giugno 2017

Përktheu: Erjola Taga