Kunja të reja të tejdukshme: studime in vitro rreth thellësisë së polimerizimit

Decementimi i kunjave endokanalare fatkeqësisht është një dukuri jo shumë e rrallë.

Vështirësia për të cementuar kunjat në kanalet e rrënjëve me sisteme adezive është në mënyrë të padiskutueshme objektive për shkaqet që vijojnë:

• aksesi dhe pamja e limituar

• kapaciteti i limituar i pozicionimit

• vështirësia në përftimin e një polimerizimi adekuat të cementit

• për densitetin dhe strukturën e tubulave dentinare në nivelin e pjesës apikale të rrënjës

• konfigurimi i kavitetit jo i favorshëm për ngjitjen (faktori C) në brendësi të hapësirës

• për strehimin e kunjit

Vështirësia kryesore që lidhet me polimerizimin është ajo që të arrijë të transmetojë dritën deri në pjesën më apikale. Një mënyrë për të shmangur këtë problematikë është përdorimi i kunjave të tejdukshme që transmetojnë dritën në brendësi të kanalit, duke rritur mbajtjen dhe kapacitetin mekanik të cementit.

Në një studim in vitro të publikuar në Journal of Prosthetic Dentistry në janar 2017 analizohen dhe krahasohen thellësitë e polimerizimit të përcaktuara nga dy kunja të tejdukshme, një tradicional dhe një i blerë së fundmi. Qëllimi i këtij studimi in vitro ka qenë ai i krahasimit të aftësive të polimerizimit të cementit, duke analizuar mikrostrukturën dhe radiopacitetin e një kunji të ri në fibër transparente (iLumi fibra optike Post) në krahasim me një kunj të tejdukshëm që përdoret zakonisht prej disa vitesh (DT Light Post).

Autorët kanë ndërtuar një stampë në alumin me një hapje cilindrike prej 12 mm gjatësi dhe diametër 4.7 mm, i mbushur me cement me bazë rezine fotopolimerizuese (Variolink Estetika LC). Çdo kunj në fibër të tejdukshme (n = 12) është pozicionuar në brendësi dhe është kryer fotopolimerizimi në ekstremitet të kurorës për 60 sekonda me një llambë LED. Si pasojë rezina jo e polimerizuar është shkrirë me një solvent organik dhe janë matur pesha dhe gjatësia e cement-rezinës së polimerizuar. Janë marrë seksione vertikale dhe horizontale dhe janë ekzaminuar në mikroskop elektronik me skanim.

Rezultatet e përftuara nga autori janë si më poshtë:

Pesha dhe gjatësia e cementit të polimerizuar kanë rezultuar në mënyrë domethënëse më të mëdha (P<.05) në rastet në të cilat është përdorur kunji inovativ (iLumi fibra optike Post) dhe në mikroskopin elektronik me skanim ka dëshmuar se ka një densitet më të madh në fibra paralele. Post ilumi megjithatë ka dëshmuar një radiopacitet më të madh ndër kunjat në fibër që janë testuar.

Nën kujdesin e: Lara Figini, Koordinatore Shkencore Odontoiatria33

  

Light-transmitting fiber optic posts: An in vitro evaluation. Antigoni Stylianou, John O. Burgess, Perng-Ru Liu, Daniel A. Givan, and Nathaniel C. Lawson. J Prosthet Dent. 2017 Jan;117(1):116-123