Biokompatibiliteti i një cementi të ri endodontik: studim in vitro

Materialet endodontik të përdorur për mbushjet kanalare dhe për riparimet e rrënjëve konsiderohen optimal nëse zotërojnë karakteristika të caktuara ndër të cilat:

- nuk duhet të jenë citostatik
- duhet të jenë radiopak
- duhet të jenë lehtësisht të manipulueshëm
- duhet të jenë kimikisht dhe mekanikisht stabël
- duhet të jenë osteoinduktiv

MTA është ai që kohët e fundit përdoret më së shumti ndër materialet e reja (Eid et al., 2014), megjithatë aplikimet e tij klinike janë të limituara nga disa disavantazhe (Parirokh & Torabinejad 2010), përfshirë dhe ekspozimet e gjata, procedura të manipulimit kompleks, konsistencë ranore dhe pigmentim. Koha e gjatë e ngurtësimit mund të shkaktojë disavantazhe për procedurat duke reduktuar suksesin klinik dhe duke çuar në dobësimin e rezistencës mekanike të materialeve dhe duke shtuar riskun e kontaminimit (Kang et al., 2013).
Prandaj një periudhë e shkurtër ngurtësimi e materialit është një karakteristikë e rëndësishme. Kohët e fundit është futur në treg IRoot FS (Innovative BioCeramix Inc., Vancouver, BC, Canada), material bioqeramike me nano grimca që ka një kohë ngurtësimi të shkurtër dhe funksionalitet gati për përdorim. Sipas instruksioneve të shtëpisë prodhuese, iRoot FS mund të ngurtësohet në mënyrë të ngadaltë për 20 minuta dhe mund të ngurtësohet plotësisht në 1 orë. Përkundrazi, iRoot BP Plus dhe MTA kërkojnë nga 12 orë në 7 ditë (Jiang et al., 2014).
IRoot FS është i përbërë nga silikate të kalciumit, oksid zirkoni, pentoksid tantalati, sulfat kalciumi, sulfat kalciumi dhe sulfat kalciumi dhe agjentë mbushës (Yang & Lu 2008).

Rekuizit tjetër i domosdoshëm që duhet të kenë këto materiale endodontike është biokompatibiliteti kur bien drejtpërdrejt në kontakt me kockën ose mund të ndërveprojnë jo drejtpërdrejt me indet periradikolar nëpërmjet ambientit intersticial rrethues. Në një studim të kohëve të fundit të publikuar në International Endodontic Journal të qershorit 2017 vlerësohet biokompatibiliteti in vitro i iRoot FS në formën e tij të fiksuar, duke vlerësuar citotoksicitetin në qelizat MC3T3-E1 dhe apopotozën nëpërmjet testit të sulmit qelizor. Biokompatibiliteti i iRoot FS është krahasuar me atë të iRoot BP Plus dhe MTA.

Autorët e studimit kanë izoluar qelizat MC3T3-E1 për 1,2 dhe 3 ditë në hollime të ndryshme të iRoot FS, iRoot BP plus dhe MTA. Pas 7 ditësh është vlerësuar vitaliteti qelizor duke përdorur një kit numërimi të qelizave 8 (Dojindo, Kumamoto, Giappone). Apoptoza e qelizave e induktuar është vlerësuar nëpërmjet citometrisë me fluks joduri V-propidium me aneksinë. Variacionet e organizimit citoskeletor dhe të fibrave janë vërejtur nëpërmjet imunofluoreshencës. Sulmi qelizor është vërejtur me mikroskop elektronik dhe skanim.
Nga rezultatet e zbuluara nga ky studim është mundur që të konstatohet një vitalitet më i madh qelizor në grupin iRoot FS krahasuar me grupet e tjera të kontrollit (P<0,05). Krahasuar me grupet e kontrollit, iRoot FS nuk ka promovuar apoptozën qelizore dhe nuk ka provokuar çrregullime qelizore dhe citoskeletore. Mikroskopia elektronike me skanim ka nxjerrë në pah një sulm më të mirë qelizor në rastet e kontaktit me iRoot FS.

Nga të dhënat e zbuluara nga ky studim in vitro, materiali i ri endodontik IRoot FS duket se garanton një biokompatibilitet optimal, duke promovuar proliferimin dhe goditjen qelizore pa shkaktuar apoptozë qelizore. Studime të mëtejshme in vitro dhe klinike janë të nevojshme për të konfirmuar këto të dhëna.

Nën kujdesin e: Lara Figini, Koordinatore Shkencore Odontoiatria33

Për më tepër:

Eid AA, Hussein KA, Niu LN etal. (2014) Effects of tricalcium silicate cements on osteogenic differentiation of human bone marrow-derived mesenchymal stem cells invitro. Acta Biomaterialia 10, 3327-34.
• Parirokh M, Torabinejad M (2010) Mineral trioxide aggregate: a comprehensive literature review-Part III: clinical applications, drawbacks, and mechanism of action. Journal of Endodontics 36, 400-13.
• Kang JY, Lee BN, Son HJ etal. (2013) Biocompatibility of mineral trioxide aggregate mixed with hydration accelerators. Journal of Endodontics 39, 497-500.
• Jiang Y, Zheng Q, Zhou X, Gao Y, Huang D (2014) A comparative study on root canal repair materials: a cytocompatibility assessment in L929 and MG63 cells. Scientific World Journal 2014, 463826.
• Yang Q, Lu D (2008) Premix biological hydraulic cement paste composition and using the same. United States patent application 2008029909.
• Lv F, Zhu L, Zhang J, Yu J, Cheng X, Peng B. Evaluation of the invitro biocompatibility of a new fast-setting ready-to-use root filling and repair material. Int Endod J. 2017 Jun;50(6):540-548.

Përktheu: Erjola Taga