Kanale rrënjësh shtesë: disa sugjerime praktike

Janë marrë në shqyrtim dy raste klinike të molarëve të parë inferiorë me prani të një rrënje shtesë (rrënjë entomolare) në të cilat është e nevojshme të kryet një trajtim endodontik për shkak të lezioneve karioze shkatërruese.

Materiale dhe metoda
Në të dy rastet janë kryer radiografi endorale periapikale diagnostikuese që kanë mundësuar vëzhgimin e veçantisë anatomike të rrënjës shtesë. Pra ka qenë e mundur kryerja e një hapje të dhomës pulpare të modifikuar në formë trapezoidale. Për të kryer terapinë kanalare janë përdorur sisteme zmadhimi.

Rezultate
Është kryer një kontroll radiografik pas 6 muajsh për të verifikuar shërimin e ndodhur të të dy rasteve.

Konkluzione
Një analizë korrekte radiografike preoperatore është e nevojshme duke marrë në konsideratë mundësinë për të hasur një rrënjë shtesë në molarët e parë mandibularë. Një radiografi adekuate endorale periapikale shpesh me dy projeksione të ndryshme lejon identifikimin në fazë diagnostikuese të anatomisë së porcionit distal të molarit të parë mandibular. CBCT mund të jetë një ndihmë e vlefshme në rastin e anatomive të rrënjëve veçanërisht komplekse nëse radiologjia tradicionale nuk do të ishte e mjaftueshme për të përcaktuar diagnozën. Shumëllojshmëria e gjerë anatomike për sa i përket përkuljes dhe kurbaturës kërkon në çdo rast një qasje klinike të kujdesshme me qëllim shmangien e gabimeve gjatë terapisë endodontike.

Artikullin origjinal e gjeni duke klikuar këtu.

Përktheu: Erjola Taga