Endodoncia mund të përmirësojë prognozën e sëmundjes kardiovaskulare. Dëshmohet lidhja

Të këshillosh terapi stomatologjike për të parandaluar një infarkt mund të duket një detyrim, por një ditë mund të jetë ky realiteti. Kjo është ajo që zbulohet nga një studim klinik i kohëve të fundit i publikuar në Journal of Dental Research nga John M. Liljestrand kërkues pranë Universitetit të Helsinkit (Finlandë). Studimi ka dëshmuar lidhjen midis lezioneve endodontike dhe patologjive kardiovaskulare.
"Kërkimi ynë - bën të ditur autori - dëshmon rolin provokues të inflamacioneve kronike në sëmundjen kardiovaskulare."

Shumë studime, me kohë kanë dëshmuar lidhjen e ngushtë midis periodontitit dhe sëmundjes kardiovaskulare.
Duke parë që lezionet endodontike dhe periodontale kanë origjinë nga vetë shtamat bakteriale, ekipi i Liljestrand ka studiuar raportin midis lezioneve endodontike apikale dhe sëmundjes kardiovaskulare.
Kërkimi është kryer ne Finlandë midis 2006 dhe 2008 dhe ka përfshirë 508 pacientë që i janë nënshtruar koronarografisë të ndarë në 3 grupe:
• 108 pa patologji kardiovaskulare
• 164 me sëmundje kardiovaskulare kronike
• 184 me një sindromë koronare akute (infarkte apo ishemi tranzitore)
Dentistët më pas kanë ndarë të njëjtët pacientë në 3 grupe mbi bazën e vizitave dhe të testeve radiografike:
• 210 pacientë (nga të cilët 32 pa dhëmbë) pa lezione endodontike
• 222 pacientë me të paktën një dendësim periapikal dhe/ose një lezion periapikal
• 76 pacientë me dy apo më shumë lezione periapikale
Pavarësisht se pacientët janë profilizuar edhe ne bazë të seksit, moshës, diabetit, duhanpirjes, indeksit të masës, përgjigja ka qenë njëzëri për të gjithë:
• dendësimi periapikal është i lidhur në mënyrë domethënëse statistikore me koronaropatinë kronike
• prania e një apo më shumë zvogëlimeve në densitetin apikal në dhëmbë jo të trajtuar lidhet në mënyrë domethënëse statistikore me një sindromë kronike akute

Odds Ratio, një indeks i përdorur në epidemiologji për të matur lidhjen midis dy faktorëve, është shumë i lartë te pacientët me lezione endoparodontale jo të trajtuara; i cili mund të sugjerojë që endodoncia mund të ketë një efekt lehtësues në marrëdhëniet e studiuara. Megjithatë ky duhet të studiohet me tej para se të arrijmë në konkluzione.
Një lidhje e mundshme midis dy patologjive mund të jetë Porphyromonas endodontalis, një mikroorganizëm i pranishëm në lezionet endoparodontale dhe që lidhet me sëmundjen koronare për sa është në gjendje të pushtojë qelizat muskulore të lëmuara dhe paretet vaskulare.

Dy janë sugjerimet që dok. Liljestrand na lë:
• pacientëve, që t'i nënshtrohen periodikisht seancave të higjienës dhe vizitave të kontrollit, thelbësore për parandalimin
• mjekëve, që të bëjnë shumë kujdes gjatë vizitave të kontrollit ndaj devitalizimeve të vjetra dhe ndaj prishjeve të gjera sepse në mënyrë komplet asimptomatike mund të fshehin lezione të dyshimta të padiagnostikuara.

Davis Cussotto

Përktheu: Erjola Taga