Antibiotikët, antibakterialët lokalë dhe periodontiti. Një kërkim ka hetuar mbi sjelljet (e ndryshme) të dentistëve europianë

Katër herë nga 10, personi del nga dentisti me recetë antibiotikësh, që në 50% të rasteve nuk janë të nevojshëm. Për ta nënvijëzuar këtë ka qenë SIdP me rastin e Kongresit XVIII Internacional, duke referuar rezultatet e një hetimi internacional të kryer nga Key-Stone në 1500 dentistë në 9 Shtete europiane ndër të cilët dhe Italia.
"Kampioni - shpjegon për Odontoiatria33 Roberto Rosso, president Key-Stone - ka qenë prej 1.500 dentistësh të ndarë në 6 shtete: Itali, Spanjë, Gjermani, Francë, Zvicër dhe Mbretëri e Bashkuar. Para intervistave janë realizuar grupe fokus me specialistë në qytete të ndryshme europiane; këto na kanë mundësuar që të kuptojmë më mirë edhe fenomenet sociale që lidhen me përdorimin e antibiotikëve dhe realizimin e një pyetësori më të përshtatshëm për këtë qëllim".

Kërkimi, vijon Rosso, "ka lindur me një qëllim të ndryshëm nga ai për të cilin po flitet tani, në veçanti ka shërbyer për të kuptuar tregun potencial të antibakterialëve lokal për t'u përdorur lokalisht në rastet e periodontitit dhe perimplantitit. Aspekti befasues ka qenë verifikimi sesi ndryshon në mënyrë radikale qasja drejt terapisë antibiotike sipas shtetit të studiuar."
Nga kërkimi del në pah se ndër pacientët me patologji periodontale, përqindja e atyre të trajtuar me antibiotikë është më e ulët se 30%, por Franca dhe Italia shfaqin përqindjet më të larta të pacientëve të trajtuar me antibiotikë apo antibakterialë (lokalë apo sistemikë): rreth 40%.
Për sa i përket Gjermanisë, Zvicrës dhe Mbretërisë së Bashkuar, përqindjet e ulëta të pacientëve të trajtuar me antibiotikë konfirmojnë rezultatet e hetimit cilësor, që paraprinte qasjen e tërhequr të dentistëve kundrejt përdorimit të barnave të tillë.
"Të dhënat janë sigurisht interesante edhe pse literatura duket se tregon që përdorimi i antibiotikëve ose antibakterialëve për kurimin e periodontitit mundëson një avantazh domethënës nga ana statistikore, por modest nga ana klinike, më pak se gjysmë milimetri në rastet më të mira"; thotë profesor Giovanni Lodi drejtor shkencor i Dental Cadmos.
"Nga ana tjetër - vijon Lodi - abuzimi me antibiotikët po krijon probleme të rëndësishme si rezistenca ndaj antibiotikut."

Rreth sjelljeve të ndryshme nga ana e dentistëve të Shteteve të ndryshëm të marrë në shqyrtim nga kërkimi, profesor Lodi hamendëson se i kushtohen modeleve të ndryshëm të ushtrimit të profesionit dhe normativave, "në vendet në të cilat oferta publike për kura stomatologjike është e pranishme, mjekët janë të detyruar të ndjekin protokolle operative të përcaktuar, që për kurën periodontale nuk përfshijnë, vetëm në rastet e veçanta, përdorimin e këtyre barnave, ndërsa aty ku stomatologjia zhvillohet pavarësisht regjimit të profesionit të lirë është profesionisti ai që vendos."

Grafiku 1

Aspekt tjetër i prekur nga kërkimi Key-Stone është ai i përdorimit të antibakterialëve.
Më shumë se gjysma e të intervistuarve të përgjithshëm afirmon se përdor antibakterialë me përdorim lokal, përfshirë klorheksidinën. Përqindjet më të larta janë në Francë (77% të cilës i shtohet 12% përdorim në të kaluarën dhe braktisje e mëvonshme) dhe Spanja (65%+8%), ndërsa më të ulëtat janë në Zvicër, Mbretëri e Bashkuar dhe Gjermani. Në Itali përqindja arrin 80% midis përdorimit aktual ose në të shkuarën, për shkak të një shkalle të lartë (28%) braktisjesh të përdorimit. Përdorimi aktual është nga ana e 52% e personave që janë përgjigjur.

Grafiku 2

"Nga ana tjetër - shpjegon Roberto Rosso - nuk është rastësi që shumë nga të intervistuarit në Itali dhe Spanjë kanë rezultuar pozitivisht të interesuar për produktet me përdorim lokal edhe se - në Itali - është e konsiderueshme incidenca e përdorimit në të kaluarën dhe braktisja e mëvonshme. Kjo, me shumë mundësi, është shkaktuar nga disa produkte që nuk i ishin përgjigjur pritshmërive, mbi të gjitha në termat e menaxhimit të terapisë (përmenden fillet me tetraciklinë dhe metronidazol). Zgjedhja e metodave të tjera në vend të antibakterialit lokal justifikohet nga të intervistuarit nëpërmjet arsyeve ndonjëherë objektive (efikasitet i ulët i hasur, çmimi, etj.), në raste të tjera subjektive ("preferon tjetër gjë", "nuk e di", etj.), për të mbështetur atë që në këtë fushë është i rëndësishëm: aspekti social, i sjelljes dhe ai rutinë, në ndikimin e vendimit dhe zgjedhjes së profesionistit."

Arsyet e braktisjes së përdorimit të antibakterialëve nga ana e dentistëve italianë, mbështetur edhe nga profesor Lodi siç dëshmon dhe literatura shkencore, kanë treguar se si këto produkte janë efikase, por që jo gjithmonë japin rezultate klinike domethënëse dhe për këto arsye faktorët si kosto dhe koha e nevojshme për t'i përdorur ndikojnë në zgjedhje.

Norberto Maccagno

Përktheu: Erjola Taga