Endodoncia rigjeneruese: një studim laboratorik francez paraqet një "gutaperka biologjike" inovative

Në 20 vitet e fundit biomateriale të ndryshme janë zhvilluar për aplikimet e inxhinierisë indore edhe në fushën stomatologjike dhe specifikisht në fushën endodontike për të stimuluar shtimin e pulpës dentare dhe rigjenerimin e këtij indi.
Ndër më të njohurit është kolagjeni por që i vetëm nuk zotëron cilësitë e duhura mekanike dhe prandaj bashkohet me materiale të tjera për të përmirësuar mekanikën pa kompromentuar biokompatibilitetin dhe difuzionin qelizor. (Gillette et al. 2010).
Në një studim laboratorik francez, të publikuar në "International Endodontic Journal", në janar 2017 propozohet një kompozit hidroxhel me kolagjen/alginat, i bashkuar me qeliza staminale, modeluar dhe realizuar në mënyrë të tillë që të stimulojë në gjeometri, formë dhe cilësi mekanike konet e gutaperkës (GP) me më shumë kapacitet rigjenerues të indit endodontik gjatë trajtimeve kanalare.

Autorët kanë përcaktuar këtë përbërje prej 5 mg kolagjen 1 dhe 0,5% alginat të përftuar duke përzier kolagjen I të përftuar nga bishti i miut dhe alginati i natriumit Protanal LF-10/60 të tretur në PBS. Qelizat staminale të përftuara nga papila apikale (SCAPs), janë shtuar dhe përzier me përbërjen para kthimit në xhel me një përqendrim prej 106 qeliza ml.
Ky preparat është bërë në formë pyke në brendësi të një stampe me alginat simulues të formës së një koni të gutaperkës 0.4%, pas 1 ore me 37oC stampa është hequr duke përdorur lama kirurgjikale dhe koni i gutaperkës biologjike pozicionohet në një mjet pjekje me 37 oC dhe 5% CO2. Terreni i pjekjes është ndërruar çdo 2 ditë dhe testet janë kryer 1, 8 dhe 21 ditë pas krijimit të përbërjes.

Autorët kanë vlerësuar: modulin elastik, ruajtjen e formës në kohë, vitalitetin qelizor dhe biokompatibilitetin.
Rezultatet e përftuara në këtë studim janë një ogur i mirë për të ardhmen kur është parë se me këtë metodë fabrikimi është arritur të përftojmë një formë të kësaj gutaperke biologjike inovative që korrespondon me atë të një koni tradicional të gutaperkës sintetike duke e imituar me precizion të lartë dhe riprodhueshmëri.
Qelizat staminale të përziera në këtë përbërje kanë dëshmuar se janë në gjendje të shpërndahen për të mbijetuar dhe për t'u shumuar.
Megjithatë janë treguar edhe në gjendje të diferencohen në osteoblaste dhe të prodhojnë matrica kockore të kalcifikuara ekstra qelizore. Përbërja nuk ka dëshmuar asnjë kundërveprim domethënës pas 8 ditësh, duke ruajtur formën e saj dhe diametrin origjinal edhe në majë (P = 0.58).
Është e dukshme se ky biomaterial inovativ për mbushjet kanalare, fryt i inxhinierisë indore dhe që përkufizohet si gutaperka biologjike, është akoma në fillime dhe ka nevojë për studime të mëtejshme in vitro dhe in vivo por mund të përfaqësojë të ardhmen në fushën e mbushjeve kanalare, duke paraqitur avantazhe thelbësore krahasuar me materialet sintetike, me analizim të parë ato të rigjenerimit të indeve pulpore dhe periapikale, duke shtuar në mënyrë esenciale probabilitetin për shërimin e lezioneve periapikale.

Nën kujdesin e: Laura Figini, Koordinatore Shkencore Odontoiatria33

Për më tepër:
1) Int Endod J.2017 Jan;50(1):48-57. Invitroassessmentof acollagen/alginatecompositescaffold forregenerativeendodontics. Devillard R,Rémy M,Kalisky J,Bourget JM,Kérourédan O,Siadous R,Bareille R2,Amédée-Vilamitjana J,Chassande O,Fricain JC
2) Gillette BM, Jensen JA, Wang M, Tchao J, Sia SK (2010) Dynamic hydrogels: switching of 3D microenvironments using two-component naturally d derived Extracellular matrices. Advanced Materials 22, 686-91.