Avantazhet e trajtimit të parodontitit me antibiotikë lokalë

Zgjedhja e antibiotikut lokal, imponohet për një sërë karakteristikash pozitive që lejojnë shmangien e disavantazheve të administrimit të antimikrobikëve në rrugë sistemike.

"Karakteristika kryesore e antibiotikut lokal" kujton Magda Mensi, kërkuese pranë Universitetit të Brescias, "qëndron në faktin se lejon zgjidhjen e fazave akute në harkun e 24-48 orëve. Ky aspekt është shumë i rëndësishëm nga pikëpamja klinike, sidomos për ata që operojnë në klinika, mbi të gjitha në rastet në të cilat pacienti paraqitet me një problem urgjent, si me një absces akut parodontal, një perimplantit në fazë akute ose një periokoronit gjithmonë në fazë akute".

Me aplikimin e një produkti lokal arrihet të zgjidhen simptomat dhe shenjat klinike të pacientit brenda pak orëve. "Kjo nuk do të mund të ndodhte me administrimin e një sistemiku", vijon stomatologu, "që duhet të administrohet për më shumë ditë, kërkon pajtueshmërinë e pacientit dhe jo gjithmonë arrin në të njëjtat kohë rezultatin e përftuar me aplikimin e lokalit". Lista e avantazheve të trajtimit lokal nuk ka mbaruar.

"Sigurisht duhen nënvizuar efikasiteti i lartë, përqendrimi i lartë në njësi, arritja e niveleve të larta të barit në pak kohë, një ngarkesë e ulët sistemike (aq sa nuk zbulohen zakonisht nivele antibiotiku në serum) dhe një risk i ulët për të zhvilluar rezistenca bakteriale". Megjithatë produkti lokal është i thjeshtë dhe i shpejtë për t'u aplikuar: një fakt i rëndësishëm edhe për sa i përket efikasitetit në zhvillimin e praktikës profesionale.

"Së fundmi", shton Mensi, "nuk ka nevojë për pajtimin e pacientit dhe mund të aplikohet edhe nga higjienisti me indikacion mjekësor". Cilat janë masat mbrojtëse në dispozicion?
"Ekzistojnë shumë, por disa zgjidhje terapeutike janë evoluar gjatë viteve", përgjigjet Mensi. "Në këtë kontekst janë bërë të disponueshme të ashtuquajturit çliruesit e kontrolluar me xhel, si doksiciklina hiklat 14%, nga pak kohë në Itali, që në një seri punimesh ka treguar efikasitet klinik, mikrobiologjik dhe farmakokinetik".

Përktheu: Erjola Taga