Udhëzimet e publikuara mbi higjenën orale te fëmijët

Te revista zyrtare e Pediatrics, American academy of pediatrics (Aap) janë publikuar udhëzimet për higjenën orale te fëmijët.
"Për shkak se fëmijët shkojnë te dentisti më pak nga ç'mund të shkojnë te pediatri është e rëndësishme që ky i fundit të jetë i informuar rreth mekanizmave që formojnë kariesin, si ta parandalojnë atë dhe se cilat ndërhyrje shërbejnë për të mbajtur shëndetin oral të fëmijëve", fillon David Krol dentist te fondacioni Robert Wood Johnson i Princeton, New Jersey dhe president i Këshillit ekzekutiv AAP për shëndetin oral.

"Parandalimi i kariesit kërkon një trajtim global, që përfshin vlerësimin e hershëm të rrezikut nga ana e mjekut dhe një mbikëqyrje të përshtatshme nga familja" vijon eksperti, duke shpjeguar se mënyra më e mirë për të parandaluar kariesin te fëmijët është përqendrimi te faktorët e rrezikut ndër të cilët dieta dhe higjena orale. Për këtë qëllim udhëzimet i rekomandojnë pediatërve që të informojnë prindërit mbi ushqyerjen me gji, nëse është e mundur, në gjashtë muajt e parë, por edhe të reduktojnë ekspozimin ndaj ushqimeve dhe pijeve me sheqer dhe të shmangen pijet e gazuara.

"Fëmijët duhet të inkurajohet që të konsumojnë vetëm ujë në mes vakteve, mundësisht ujin e rubinetit që përmban fluor" vazhdon Krol, duke theksuar rëndësinë e madhe të higjienës orale. Për këtë qëllim AAP rekomandon që të lahen me furçë dhëmbët e fëmijës, sapo të dalin, të paktën dy herë në ditë duke përdorur një tampon me një sasi të vogël paste dhëmbësh me fluor, duke e shtuar me rritjen e moshës. Përdorimi i duhur i furçës mësohet më vonë, përderisa fëmija, deri në moshën 8 vjeçare nuk do të jetë në gjendje ta përdorë vetë. Në fund, AAP pozicionohet te biberoni ose gishti që mbahet në gojë. "Nëse zgjasin më shumë se tre vjet, të dyja këto zakone mund të shkaktojnë probleme te strukturat dentare. Dhe në këtë rast duhet mendimi i një dentisti" përfundon studiuesi.

Pediatrics. 2014 Nov 24. doi: 10.1542/peds.2014-2984

Përktheu: Valbona Spahia