Tek kanalet ovale është më mirë të vihen kunja ovale apo kunja rrethore? Këshillat për zgjedhjen e duhur marrë nga literatura

Që nga viti 1925, nga studimet e Hess & Zurcher që kanë njohuri për faktin se dhëmbët nuk kanë kanale të thjeshta, por sisteme komplekse të kanaleve të rrënjëve. Ekzistojnë kanale të rrënjëve kryesore dhe kanale dytësore dhe pjesë shtesë prandaj shprehet më qartë me termin sistem i kanaleve të rrënjëve. Dhe përsa i përket anatomisë së kanaleve kryesore të rrënjëve edhe ato mund të jenë të formave të ndryshme, duke filluar nga rrethore, ovale, kanale në formën e C - së, në formën e fjongos etj. Gjatë ndjekjes së një trajtimi të kanaleve të rrënjëve shumë shpesh lind nevoja për të vendosur një kunj te kanali në mënyrë që të mund të ruhet i shtrirë sipër rikonstruksioni (riorganizimi), por pyetja më e debatuar prej kohësh në literaturë është: cila kunj është më e mirë dhe më pak traumatike për rrënjët tona? Dhe nëse zgjedhja kunjit duhet të jetë e ndikuar nga anatomia e kanaleve të rrënjëve?
Me siguri e kemi pyetur veten gjithmonë nëse është më mirë një kunj metalik apo një kunj karboni, silici etj... dhe si pasojë në çdo studim stomatologjik është përshtatur një nga këto metoda të sapo përmendura, por më shpesh mendohet për të futur në kanal një kunj me formë më konforme me kanalin në fjalë.

Në një studim in vitro të publikuar në Journal of Endodontics në Prill 2015 autorët kanë seleksionuar 70 paramolarë mandibularë me kanale ovale dhe me kurora të vëna sërish. Pra i kanë ndarë në 5 grupe me 14 dhëmbë secili:
Grupi 1: grupi i kontrollit tek i cili kanalet nuk janë pajisur me instrumente e as nuk janë konturuar aspak.
Te të gjithë dhëmbët e tjerë në fakt është kryer gdhendja e kanaleve sipas protokollit të vendosur deri tek instrumentimi me Pro Taper 30, veç kësaj:
Grupi 2: së fundmi kanali i rrënjës është përgatitur për "strehimin" e kunjit me drill me seksion rrethor (masa#2, 1.55mm) (Unicore; Ultradent, Salt Lake City, UT). Nuk është futur asnjë kunj.
Grupi 3: së fundmi kanali i rrënjës është përgatitur për "strehimin" e kunjit me drill unltrasonik në Seksionin Oval (Ellipson Tip). Nuk është futur asnjë kunj.
Grupi 4 : është kryer e njëjta përgatitje si te grupi 2 dhe është futur një kunj rrethor me fibra (size #2, 1,55mm) (Unicode posts size 2, Ultradent).
Grupi 5: është kryer e njëjta përgatitje si për grupin 3 dhe është futur një kunj oval me fibra (diametri i majës së kunjit = 0.6mm, trashësia = 1.1 mm, gjerësia = 1.8 mm) (Ellipson Posts, RTD/Satelec).

Secila nga provat i është nënshtrua testit të rezistencës ndaj frakturave dhe rezultatet janë si më poshtë:
Te rrënjët që është bërë një përgatitje e kanaleve të rrënjëve duke përdorur drill ultrasonik me formë ovale pati një reduktim të rëndësishëm të rezistencës ndaj frakturave të rrënjëve në krahasim me grupin e kontrollit (P> .001). megjithatë, nuk është regjistruar ndonjë diferencë e rëndësishme te frakturat ndërmjet grupit të kontrollit dhe grupit 2 ku është kryer përgatitja e kanaleve për kunjat me maja të rrumbullakëta (P>. 05). Futja e kunjave qoftë rrethore qoftë ovale rrit në mënyrë të konsiderueshme rezistencën ndaj frakturave të rrënjëve në krahasim me grupin e kontrollit (P<.001), dhe rezistenca ndaj frakturave të rrënjëve me kunjat rrethore ka qenë më e madhe se ajo e grupit me kunja ovale (P <.001).

Në bazë të rezultateve të këtij studimi stomatologu mund të ketë parasysh që edhe nëse te kanalet ovale fut kunj me formë ovale nuk ka asnjë avantazh në krahasim me futjen e kunjave rrethore, në aspektin e rezistencës ndaj frakturave të rrënjëve ku futen.
Sigurisht që janë të nevojshme studime të mëtejshme në literaturë për të konfirmuar këto rezultate.

Nën kujdesin e: Lara Figini, Koordinatore shkencore e Odontoiatria33

Bibliografia:
J Endod. 2015 Apr;41(4):539-43. Fracture Resistance of Endodontically Treated Roots with Oval Canals Restored with Oval and Circular Posts. Uzun Ý, Arslan H, Doðanay E, Güler B, Keskin C, Çapar ID.

Përktheu: Valbona Spahia