Algjitë dentare me origjinë endodontike: cilat barna dominojnë para dhe pas trajtimit

Prof. Massimo Gagliani

Algjitë dentare paraqesin, gjithmonë, një problem shumë kompleks për t'u zgjidhur, veçanërisht nëse këto lindin në periudha të vitit apo të ditës gjatë së cilave pacienti nuk mund të shkojë për një vizitë stomatologjike.
Për më tepër, algjitë mund të jenë sekela të bezdisshme të një ndërhyrjeje odonto-stomatologjike dhe si të tilla, duhet të jenë dominohen, në mënyrën më të mirë të një terapie farmakologjike.

Është vënë re që efikasiteti i barnave për këto situata të dhimbshme shpesh është modest por i tillë rezulton të jetë edhe për vështirësitë në kryerjen e një diagnozë pas një periudhe precize.
Në artikullin e botuar te JADA, revistë autoritare si "zëri" i Shoqërisë së Odonto-stomatologëve Amerikanë, autorët kanë ekzaminuar një seri patologjish dentare dhe një seri studimesh që kanë analizuar, efikasitetin, nëpërmjet provave të përpikta klinike, me disa skema farmakologjike të përdorura për zbutur dhimbjet e shkaktuara nga patologjitë dentare që lidhen me vetë pulpën.

Pas një kontrolli të kujdesshëm të një pjese të literaturës bashkëkohore janë nxjerrë pikat si në vijim:
a) Algjitë me origjinë endodontike përcaktohen më mirë me kombinimin e barnave, pra duke administruar ANTINFLAMATOR JO STEROIDË (FANS) të shoqëruar me PARACETAMOL.
b) Midis FANS më të përdorur ishin: ibuprofeni në dozimet nga 400 - 600 mg, Ketorolac dhe Naprossene.
c) Në rastet veçanërisht të vështirë, kombinimi me Tramaol siguroi rezultatet më të mira.
d) Pas trajtimit endodontik është nxjerrë një efikasitet modest në përdorimin e steroidëve (deksametazon 4 ose 8 mg) mbi të gjitha në fazat post-operatore.

e) Trajtimi endodontik është rezultati më i toleruar nga pacienti në disa raste qoftë në fazën intraoperatore qoftë në fazën post-operatore kur kryhet pre-mjekimi me FANS dhe Paracetamol.
Si përfundim, sinergjia midis barnave duket se është e rëndësishme për të zbutur dhimbjet dentare me origjinë endodontike, megjithatë, qoftë dozimi qoftë kohët e administrimit janë akoma edhe sot subjekt i zgjedhjeve empirike.

Nën kujdesin e: Prof. Massimo Gagliani, Kordinator Shkencor i EDRA për Stomatologjinë

Përktheu: Valbona Spahia