Silantët: PO apo JO. Përfundimet nga American Association of Pediatric Dentistry

Massimo Gagliani

Edhe pse parandalimi i kariesit është duke u zvogëluar në mënyrë drastike në vendet e industrializuara, prania e lezioneve karioze te fëmijët nën 12 vjeç është akoma e lartë dhe prodhon një ngarkesë ekonomike akoma të konsiderueshme për familjet dhe institucionet.
Dihet prej kohësh që një metodologji parandaluese për reduktimin e incidencës së lezioneve karioze te dhëmbët e përhershëm paraqitet nga përdorimi i silantëve, kompozitave ose nga materialet e rezinës apo nga cemente me jonomere xhami, të përforcuar ose jo me rezinë.

American Association of Pediatric Dentistry ka publikuar së fundi një raport që, në bazë të një analize të plotë sistematike të literaturës, analizon përfitimet e mundshme të silantëve në popullatën infantile.
Studimet e zgjedhura, në të cilat cilësia shkencore ka rezultuar mesatare apo e lartë, krahasonin grupe pacientësh midis të cilëve ishte kryer trajtimi me silantë, me grupe pacientësh ku nuk ishte kryer ky trajtim.
Në një seksion të fundit të studimit janë ekzaminuar punimet që krahasonin grupet e pacientëve te të cilët janë kryer procedurat e silantëve dhe grupet ku përdoreshin bojëra me fluor.

Në fund janë ndarë studimet në raport me periudhën e vëzhgimit, si edhe studime ku verifikimet janë kryer pas 3 vjetësh dhe studime në të cilat verifikimet janë kryer në një periudhë të njëjtë ose më të gjatë se 7 vjet.
Rezultatet, kurdo që nevojitet, janë gjerësisht favorizues ndaj përdorimit të silantëve, duke qenë se kjo procedurë ka treguar një reduktim të 76% të rrezikut të kariesit. Në studimet me distancë më të madhe boshllëku është shfaqur neto, duke qenë rreziku i incidencës së kariesit i barabartë me 79% dhe 85% në studimet me një program kontrolli mbi 7 vjet.

Aty ku përdoren bojëra me fluor rezultati është i njëjtë me rezultatin favorizues të grupeve të pacientëve të trajtuar me silantë me një përqindje favorizuese të barabartë me 73% dhe 81% sipas periudhës së shkurtër ose të mesme të vlerësimit.
Një rezultat më i vogël është vëzhguar në studimet ku janë përdorur silantë me bazë jonomeresh xhami, të cilët siguronin rezultatet favorizuese në më pak se 30% të rasteve afat shkurtër dhe rreth 63% në kontrollet afat mesëm.

Përfundime
Përdorimi i silantëve te pacientët e rinj paraqet një masë parandaluese shumë efikase për parandalimin e lezioneve karioze te dhëmbët e përhershëm duke qenë se incidenca për karies te pacientët që kanë patur trajtime me silantë rezulton e barabartë me 29% ndërsa te pacientët e pa trajtuar i kalon 70%.

Nën kujdesin e: Prof. Massimo Gagliani, Koordinator Shkencor për Stomatologjinë në grupin EDRA

Përktheu: Valbona Spahia