Suksesi i trajtimit endodontik kirurgjikal me Agregat të Trioksidit Mineral: follow-up në 6 vjet

Objektivi kryesor i terapisë kanalare është ose parandalimi ose trajtimi i parodontitit apikal.
Nëse një lezion kryesor zhvillohet apo nuk arrin të shërohet pas një trajtimi kanalar primar, hapi ndjekës është ritrajtimi kanalar ortograd dhe nëse ky i fundit do të rezultojë falimentues atëherë duhet të procedohet me trajtimin endodontik kirurgjikal (SER).

Por cila është shkalla e suksesit pas disa kohësh nga ky lloj trajtimi?

Studime në mënyrë rastësorë dhe të kontrolluar (RTC) kanë treguar se qasja terapeutike e trajtimit endodontik kirurgjikal SER rezulton e besueshme dhe e suksesshme në rastet e parodontitit apikal kronik me përqindje suksesi që shkojnë nga 89% në 94% me 1 apo 2 vjet distancë. Në literaturë ekzistojnë studime klinike grupi të ndryshme të kohëve të kaluara që kanë vlerësuar rezultatin e SER nga 3 në 10 vjet pas trajtimit por ndryshimet e teknikave të përdorura, materialet dhe periudhat e follow-up kanë komplikuar përballjen direkte dhe ndarjen e përbashkët të të dhënave për meta-analizën. Në një studim të fundit rastësor të kontrolluar i publikuar në "Journal of Endodontics" në prill 2016, janë vlerësuar rezultatet e trajtimeve endodontike pas kirurgjisë periapikale (SER) me follow-up nga 1 deri ne 6 vjet, me dhe pa pozicionim të agregatit të trioksidit mineral (MTA).

Ky studim është kryer nga qershori 2005 deri në tetor 2006, duke përfshirë 44 pacientë (52 dhëmbë) me infeksion periapikal kronik në dhëmbë monoradikular dhe është krahasuar trajtimi RCT i SER me mbushjen apikale me MTA (MTA ProRoot i bardhë; Dentsply Tulsa Dental, Tulsa, OK) me trajtimin SER pa përdorimin e MTA por vetëm nivelimi pas apikoektomisë së gutaperkës së pozicionuar në terapinë otrograd (GP). Të gjithë trajtimet janë ndjekur nga një mjek i vetëm duke përdorur një mikroskop operues.
Dhëmbët janë shënjuar në mënyrë të rastësishme me grupin 1 (MTA) apo me grupin 2 (GP) të trajtimit.
Tetë pacientë kanë kontribuar me 2 dhëmbë.

Rezultatet e trajtimeve janë vlerësuar me distancë 1 dhe 6 vjet. Radiografitë periapikale të kryera në 1 dhe 6 vjet pas trajtimit janë vlerësuar një nga një me rend rastësor nga 3 ekspertë vëzhgues në verbëri, 1 radiolog dhe 2 endodontistë dhe u krahasuan me imazhet radiografike të kryera një javë pas ndërhyrjes. Të gjithë imazhet kryesore janë vlerësuar sipas kritereve përshkruese nga Rud dhe Molven dhe u kategorizuan si:
1. shërim i plotë
2. shërim jo i plotë (ind i dëmtuar)
3. shërim jo i qartë
4. shërim jo i kënaqshëm

Një total prej 39 pacientësh (46 dhëmbë) janë rezultatet e disponueshme nga follow-up pas një viti nga trajtimi.
Në follow-up-in pas gjashtë vjetësh, rezultatet e disponueshme dhe të vlerësuara janë 39 nga 52 dhëmbë (75% e kuotës së pjesëmarrjes). Në grupin MTA, 16 nga 19 dhëmbë (86%) dhe në grupin GP, 11 nga 20 dhëmbë, (55%) janë vlerësuar si sukses (P=.04). Në follow-up-in pas një viti nga trajtimi, është regjistruar një sukses në grupin MTA dhe në grupin GP respektivisht me 80% dhe 90%. Të gjithë dështimet e grupit MTA (3 dhembë) janë verifikuar për shkak të frakturës vertikale.
Nga ky studim zbulohet se trajtimi endodontik kirurgjikal që parashikon një mbyllje apikale me agregat trioksidi mineral (MTA) ofron një përqindje suksesi të mirë edhe me distancë kohe 6 vjet të follow-up-it, por janë të nevojshme hetime të mëtejshme mbi kampione më të zgjeruar pacientësh për të konfirmuar të dhënat.

Nën kujdesin e: Lara Figini, Koordinatore Shkencore Odontoiatria33.

Bibliografia:
- Setzer FC, Kohli MR, Shah SB, et al. Outcome of endodontic surgery: a meta-analysis of the literature—part 2: comparison of endodontic microsurgical techniques with and without the use of higher magnification. J Endod 2012;38:1-10.
- Tsesis I, Rosen E, Taschieri S, et al. Outcomes of surgical endodontic treatment performed by a modern technique: an updated meta-analysis of the literature. J Endod 2013;39:332-9.
- Casper Kruse, Rubens Spin-Neto, Ren_e Christiansen, Ann Wenzel, and Lise-Lotte Kirkevang, Periapical Bone Healing after Apicectomy With and Without Retrograde Root Filling With Mineral Trioxide Aggregate: A 6-year FolloW-up of a Randomized Controlled Trial; JOE — Volume 42, Number 4, April 2016

Përktheu: Erjola Taga