Sterilizimi në autoklavë i instrumenteve në NiTi. A mund të ndikojë në përbërjen e tyre?

Instrumentet në Nikel - Titan gjerësisht të përdorur në endodonci karakterizohen nga një elasticitet i lartë dhe garantojnë performancë mekanike dhe klinike më të lartë se instrumentet, për shembull në çelik. Për këto karakteristika të tyre, kanë kosto të larta që shpesh i shtyjnë endodontistët të marrin në konsideratë përdorimin e këtyre pajisjeve, që duhet të jenë praktikisht me një përdorim dhe përdorimi i tyre duhet të mbahet në cikle shumë të limituara. Kështu, në mënyrë të paparashikuar, ndonjëherë shfrytëzohen më shumë se ç'është rekomanduar përdorimi i tyre dhe për këtë arsye hasen thyerje të padëshirueshme.

Meqenëse duhet të përdoren, është e qartë që duhet të futen në autoklavë për sterilizim, por ciklet e sterilizimit në autoklavë a mund ta dëmtojnë apo ndryshojnë sipërfaqen e tyre prerëse?
Për këtë çështje flitet në një artikull të publikuar në "Journal of Coservative Dentistry" të maj-qershor 2015. Autorët e këtij studimi kanë marrë në konsideratë instrumentet në NiTi si Mtwo (VDW) dhe ProTaper (Dentsply) që i janë nënshtruar cikleve të sterilizimit në autoklavë në kushte të standardizuara dhe më pas janë skanuar me mikroskop me forcë atomike AFM pas 1,5 dhe 10 ciklesh. Instrumente jo të sterilizuar janë përdorur si grup kontrolli. Tre parametra topografikë vertikalë si lartësia maksimale (MH), devijimi mesatar standard (RMS) i ashpërsisë sipërfaqësore dhe ashpërsia aritmetike mesatare (AMR) janë matur me mikroskop me forcë atomike (AFM).

Për të testuar ndryshimet është përdorur analiza e variancës me testin e Tukey. Nga rezultatet e përftuara nga ky studim mund të dalim në përfundimin se:
• të dy llojet e instrumenteve në studim (Protaper e Mtwo) kanë treguar shumë parregullsi në sipërfaqe edhe para se ti nënshtroheshin sterilizimit në autoklavë
• sterilizimi në autoklavë provokon një shtim të ashpërsisë sipërfaqësore të instrumenteve në NiTi
• shtimi i ashpërsisë është drejtpërdrejt proporcional me numrin e cikleve të autoklavës në të cilët instrumentet janë ekspozuar
• edhe një sterilizim i vetëm në autoklavë shkakton një shtim domethënës të ashpërsisë sipërfaqësore të të dy tipeve të instrumenteve

Kur një stomatolog përdor instrumente në NiTi për trajtimet e endodoncisë duhet të jetë i ndërgjegjshëm që këto instrumente për të shtjelluar më së miri cilësitë e tyre mekanike, duhet të konsiderohet si një përdorimësh. Nëse duan që t'i ripërdorin për motive ekonomike është mirë që të reduktohen ciklet e tyre të përdorimit në mënyrë shumë të limituar dhe të mbahet parasysh se edhe sterilizimi i këtyre pajisjeve në autoklavë është motiv stresi dhe përdorimi i sipërfaqes së prerjes i bashkohet asaj derivuese nga puna në kanalet e rrënjëve.

Nën kujdesin e: Lara Figini, Koordinatore Shkencore e Odontoiatria33

Përktheu: Erjola Taga