Anestezia në mandibulë te fëmijët vë në rrezik dhëmballët e pjekurisë

Të bësh anestezi në nervin e poshtëm alveolar te fëmijët nga 2 deri në 6 vjeç mund të ndërpresë zhvillimin e molarit të tretë, i njohur ndryshe si dhëmballa e pjekurisë. Rezultatet e një studimi epidemiologjik retrospektiv të zhvilluar në Universitetin Tufts në Boston dhe i publikuar te Jada (Journal of amerikan dental association) janë si në vijim: "Molari i tretë është i vetmi dhëmb i njeriut që zhvillohet plotësisht pas lindjes. Folikuli i tij (kështu quhet struktura embrionale nga i cili do të zhvillohet) fillon të zhvillohet rreth moshës 4 ose 5 vjeç, në një zonë poshtë indeve të buta të mandibulës, shumë afër zonës në të cilën zakonisht injektohet anestezia për bllokimin e nervit të poshtëm alveolar (lanb)" - fillon Jerry Swee, dentist pediatër te Tufts dhe autor i parë i artikullit, duke shpjeguar që te fëmijët dhëmbi që nuk zhvillohet është pikërisht molari i tretë. "Agenesis i tij është e shpeshtë, duke mundur të prekë 43% të meshkujve dhe 36,1% të femrave" - vijon Swee.

"Teori të ndryshme kanë kërkuar të shpjegojnë se pse te dalja normale e dhëmbëve nuk zhvillohet pikërisht ai dhëmb: defekt gjenetik ose faktorë mjedisor si traumat, procese infektive, mungesa të ushqyesve ose ekspozimi ndaj toksinave mjedisore. Megjithatë asnjë nuk e kishte menduar injektimin e anestetikut për bllokimin e nervit të poshtëm alveolar, procedurë e përdorur në stomatologjinë pediatrike."

Prandaj dentistët e Tufts kanë verifikuar supozimin duke identifikuar 439 pjesë të zhvillimit të mundshëm të molarit të tretë në mandibulë në radiografitë e 220 pacientëve të vegjël të ndjekur nga vetë ato, duke i ndarë në 2 grupe: në grupin e parë (376 pjesë të mandibulës), ishin radiografitë e pacientëve që nuk kishin marrë anestezi në mandibulë; te grupi tjetër (63 pjesë) ishin radiografitë e fëmijëve që i ishin nënshtruar lanb. Nuk kishte gjurmë të folikulit dentar në 7,9% të pjesëve të atyre që kishin marrë anestezi në krahasim me 1,9% tek ata që nuk kishin marrë, me një rrezik prej 4,35 herë më të madh të agenesis të molarit të tretë në mandibulë. "Diferenca midis dy grupeve nuk është e rastësishme" - thotë Swee, duke shpresuar që këto rezultate, të parat në llojin e tyre të konfirmohen nga studime e ardhshme mbi raste më të mëdha.

Përktheu: Valbona Spahia