Brenda vitit të parë të jetës duhet bërë vizita e parë te dentisti sipas AAPD. Tre këshillat e profesionistëve nga SHBA

Mosha mesatare e vizitës së parë te dentisti, sipas një sondazhi të fundit nga SHBA - ja, është 2 vjeç e gjysmë. Kjo konfirmon sesi tre të katërtat e prindërve në SHBA nuk e ndjekin këshillën e American Academy of Pediatric Dentistry (AAPD) për ta çuar fëmijën te dentisti brenda vitit të parë.
Sondazhi i kryer online, nga Universiteti i Cleverland në Ohio, ka përfshirë 300 prindër me moshë nga 18 - 65 vjeç duke vlerësuar njohuritë, ose besimet, në temën e shëndetit dhe parandalimit oral të grupit të marrë në konsideratë nga studimi. Studimi më pas është plotësuar me një intervistë telefonike për të njëjtat tema për 75 prindër me rrogë të ulët.

Ky grup i fundit tenton ta shtyjë më tej vizitën e parë te dentisti në moshën 3 ose 4 vjeçare, pra një vit më vonë nga "mesatarja" e popullsisë së përgjithshme. 60% e këtij grupi që kanë marrë pjesë në sondazh pohojnë se nuk është e nevojshme një vizitë e parë më herët dhe çuditërisht 15% e tyre thotë se pediatri e ka forcuar më shumë këtë bindje. Udhëzimet e American Academy of Pediatric Dentistry (AAPD), në 2012 ka rekomanduar vizitën e parë te dentisti brenda vitit të parë të jetës.

Timothy S. Martinez, studiuesi që ka realizuar këtë studim, i intervistuar nga revista drBicuspid, shpreson për një bashkëpunim më të madh midis pediatrit, dentistit të përgjithshëm dhe pedodontistit për të arritur këtë qëllim të rëndësishëm të parandalimit të vizitës së parakohshme.
Këshillat e AAPD dhe Universitetit të Cleveland për një shëndet të mirë oral te fëmijët janë 3:
1) Vizita brenda vitit të parë të jetës
2) Të shihen mirë brazdat e molarëve të përhershëm sapo të dalin
3) Të dërgohet fëmija në një klinikë "me ambient të sigurt dhe të pastër" domethënë që nuk përdor mërkur (amalgamë argjendi) dhe radiografi analogjike (jo dixhitale).

Nën kujdesin e: Davis Cussotto, stomatolog

Përktheu: Valbona Spahia