Sedacioni në pedodonti. Udhëzimet e AAPD për të parandaluar komplikimet

Davis Cussotto

Përdorimi i sedacionit në pedodonti, lejon arritjen e rezultateve të mira sidomos te pacientët fobik, tek ata me handikap ose në prani të lezioneve të shumta karioze.
Të përziera, të vjella dhe përgjumje janë efekte anësore të shpeshta por që mund të parandalohen me instruksione të përshtatshme post-operative dhe me një vigjilencë të madhe.
Është mbështetur nga Annie Huang në revistën Anestesia Progress, profesor te Universiteti i Kalifornisë Jugore.

Vështirësia për t'u zgjuar dhe shqetësimet e frymëmarrjes shfaqen sepse pacientët e vegjël e lënë shumë shpejt klinikën. Për të shmangur komplikimet më të rënda, që variojnë nga dëmtimet në tru deri në vdekje, duhet të mbështetemi te dhjetë udhëzime që janë krijuar nga American Academy of Pediatric Dentistry (AAPD):
1) Të menaxhohen qetësuesit që jepen nga goja vetëm në prani të një anestezisti.
2) Vlerësim i kujdesshëm mjekësor dhe kirurgjik i pacientit të vogël për të përjashtuar situata me rrezik anesteziologjik.
3) Respektim strikt ndaj rregullit të agjërimit.
4) Ekzaminim i rrugëve të ajrit për të përjashtuar situata anatomike që mund të favorizojnë bllokimin, kryesisht hipertrofia e bajameve.
5) Ndërgjegjësim i plotë për farmakokinetikën dhe farmakodinamikën e barnave të përdorura dhe të interferencave të mundshme me terapitë e tjera të përdorura nga pacienti i vogël.
6) Aparatura të përshtatshme për menaxhimin e rrugëve të ajrit dhe qasje venoze aktive.
7) Kompetenca e personelit në aspektin e rianimimit dhe mbështetjes bazë të jetës.
8) Monitorimi i anestezisë ose i personelit të kualifikuar gjatë fazës së trajtimit dentar.
9) Prania e një "salle vëzhgimi" në brendësi të klinikës në të cilën ndiqet pacienti pas ndërhyrjes deri në rikuperimin e plotë të vetëdijes.
10) Instruksione të përshtatshme të dorëheqjes.

Kokteji i barnave përshin ato me përbërje opiumi (Morfina), benzodiazepina (Diazepam, Midazolam), antihistamina (Hidroksizina) dhe anestezikët lokal (Lidokaina) ndonjëherë të shoqëruar me injektim të Oksidit të Azotit.

Nën kujdesin e: Davis Cussotto, stomatolog

Përktheu: Valbona Spahia