Përdorimi i materialeve bioaktive në pedodonti

Në pedodonti problematikat e pulpave tek elementët dentar të përhershëm shkaktojnë jo pak vështirësi për mjekun që duhet të kërkojë t’i ruaj këto elementë, sa më gjatë të jetë e mundur

Lara Figini

Në pedodonti problematikat e pulpave tek elementët dentar të përhershëm shkaktojnë jo pak vështirësi për mjekun që duhet të kërkojë t'i ruaj këto elementë, sa më gjatë të jetë e mundur, integriteti i të gjithës ose i një pjese të pulpës së dhëmbit.
Materialet me bazë silikat kalciumi, vitet e fundit, kanë qenë vërtetë të vlefshëm dhe mund të kenë përdorime të shumta klinike, si:
- riparimi i shpimeve sipërfaqësore ose të thella
- përthithje të brendshme
- mbushje retrograde
Në pedodonti, përdoren veçanërisht në:
- mbulimi i pulpës së dhëmbit
- procedura e vendosjes së një barriere të kalcifikuar për të favorizuar vazhdimësinë e zhvillimit të rrënjëve
- pulpotomi
Me qëllim përshkrimi përmbledhim përkufizimet e këtyre procedurave:
Mbulimi direkt ose indirekt i pulpës së dhëmbit; me mbulim indirekt nënkuptojmë procedurën që parashikon një heqje delikate të kariesit e ndjekur nga aplikimi i një mjekimi të ndërmjetëm me qëllim që të nxisë një përgjigje riparimi nga ana e pulpës. Ndërsa me mbulim direkt parashikohet apozicioni i materialit që nxit riparimin dhe vjen direkt në pjesën e pulpës së dhëmbit të ekspozuar.
Pulpotomia; ose heqja e plotë e indit të pulpës në dhomën e dhëmbit qoftë te dhëmbët e qumështit qoftë te dhëmbët e përhershëm te të cilët pamja e rrënjëve duhet ende të maturohet.
Procedura e vendosjes së një barriere të kalcifikuar te dhëmbët e papjekur me pulpë nekrotike, për të favorizuar vazhdimësinë e zhvillimit të rrënjëve.
Midis materialeve të përdorur në këto situata klinike hidroksidi i kalciumit është ai që ka më shumë kohë që përdoret, ndërsa te të fundit është propozuar Agregati mineral trioksid (AMT) dhe në të njëjtën kohë, trikalcium silikat (biodentine, Septodont)
Trikalcium silikat diferencohet nga cemento si "Portland", në fakt procesi i fabrikimit të biosilikatit aktiv eliminon papastërtitë metalike (si alumini dhe të tjera), të pranishëm te këto të fundit.
Shitet në treg në formë pluhuri (në kapsula) dhe në formë lëngu (në tubtha) që përzihen.
Pluhuri përbëhet kryesisht nga trikalcium silikat (bërthama kryesore), silikati bikalcik, karbonat kalciumi dhe oksid hekuri, si dhe oksid zirkoni për ta bërë materialin më radiopak. Lëngu përmban ujë, klorur kalciumi (si katalizator) dhe polikarbosilikat i modifikuar (si superlëngëzues ose agjent reduktues).
Ky material inovativ mbart vetitë mekanike të larta me biopërputhshmëri të shkëlqyer, zotëron një sjellje bioaktive, ka një kohë të shpejtë vendosjeje, rezistencë të lartë ndaj shtypje, aftësi të shkëlqyer mbajtjeje, lehtësi trajtimi dhe gjithanshmëri, pa shkaktuar ndryshime të ngjyrës së dhëmbëve të trajtuar.
Ka treguar edhe veti të shkëlqyera anti-mikrobeve për shkak të pH të lartë (pH = 12).
Slideshow i mëposhtëm tregon aplikimet e tij dhe studimet në literaturë përsa i përket fushës pedodontike.