Mbajtja e higjenës tek pacienti që ka protezë të lëvizshme

Protezat e lëvizshme e akumulojnë pllakën bakteriale në mënyrë të ngjashme me dhëmbët natyral. Nga ana tjetër, kanë sipërfaqe shtesë që favorizojnë kolonizimin e mikrorganizmave të ndryshëm, mes të cilëve Candida ose patogjenë në rrugët e frymëmarrjes.

S. Galli, A. Natali, A. Berzaghi, S. Bortolini, U. Consolo

Protezat e lëvizshme e akumulojnë pllakën bakteriale në mënyrë të ngjashme me dhëmbët natyral. Nga ana tjetër, kanë sipërfaqe shtesë që favorizojnë kolonizimin e mikrorganizmave të ndryshëm, mes të cilëve Candida ose patogjenë në rrugët e frymëmarrjes. Pllaka bakteriale e protezës mund të jetë një kërcënim për shëndetin e pacientëve të prekshëm fizikisht qoftë në mënyrë të lokalizuar, duke mbështetur stomatitin nga protezat, qoftë në nivel sistemik, duke u larguar nga rezervuari i infeksionit. Mbajtja higjenike e protezave të lëvizshme është pra, e rëndësishme për shëndetin e pacientit dhe integritetin e protezës me kalimin e kohës. Mjete mekanike, mjete kimike dhe kombinim i të dyjave janë të disponueshme për të lehtësuar higjenën e protezës. Mjetet mekanike, si larja me furçë dhe përdorimi i pastruesve me ultratinguj, janë efikas në heqjen e pllakës, njollave të errëta dhe mbetjeve tek proteza, por nuk janë të mjaftueshme për të larguar mikrorganizmat që kolonizohen në thellësi të materialit protezik. Mjetet kimike, nga ana e tyre, janë efikas në disinfektimin e protezës, por jo tek heqja e njollave dhe pllakës bakteriale që e pason. Për këto arsye , qasja më e mirë për pastrimin e protezave është protokolli i kombinuar, tek i cili strategjitë mekanike dhe kimike shërbejnë për të mbajtur protezat të pastra dhe në gjendje të mirë. Higjena e përditshme e protezës së lëvizshme është thelbësore për kohëzgjatjen e trajtimit protezik dhe për shëndetin e indeve të buta të pjesës së gojës që është pa dhëmbë. Ndaj mënyra më e mirë e pastrimit është ajo që bashkon të dy mjetet mekanike dhe kimike, që shoqërohen me heqjen e protezës për disa orë në ditë ose gjatë natës. Pra është e nevojshme që stomatologu dhe higjenisti të japin udhëzimet e duhura për pacientët që mbajnë proteza të lëvizshme përsa i përket manovrave higjenike dhe t'i udhëzojnë ata që të kryejnë kontrolle periodike për të kontrolluar aftësinë e pacientit për mbajtjen e higjenës optimale. Megjithatë, manovrat e pastrimit mund të kenë efekte anësore, mbi integritetin e protezës, nëse përdoren për një kohë të gjatë. Prandaj është e nevojshme që të informohet pacienti që çdo lloj proteze ka një jetëgjatësi të kufizuar dhe duhet të ndërrohet në momentin që është konsumuar shumë.

Artikulli i plotë gjendet në seksionin Të ndryshme nga dentistria në Download Center.

Përktheu: Valbona Spahia