Krahasimi midis dy shpëlarësve të gojës me bazë klorheksidinën në kirurgjinë orale

CLX-ja është një dezinfektuese kimike me spektër të gjerë veprimi antiseptik, aktive qoftë te bakteret Gram+ qoftë te Gram-. Vepron duke ndryshuar strukturën proteinike të membranës qelizore bakteriale, e cila pason me vdekjen qelizore.

G. Lorenzini, M. Picciotti, M. Giovannardi, M. Viviano

Objektiva
Qëllimi i këtij studimi është verifikimi i ndikimit dhe efikasitetit të acidit hialuronik (Hyaaluronic Acid, HA), i shoqëruar me klorheksidinën (CLX), në shërimin e plagëve kirurgjike orale.

Materiale dhe metoda
CLX-ja është një dezinfektuese kimike me spektër të gjerë veprimi antiseptik, aktive qoftë te bakteret Gram+ qoftë te Gram-. Vepron duke ndryshuar strukturën proteinike të membranës qelizore bakteriale, e cila pason me vdekjen qelizore. Në fushën stomatologjike përdoret për të mbajtur një zvogëlim drastik të baktereve orale dhe gjen pra aplikime të shumta në kirurgji, parodontologji, implantologji. HA është një nga përbërësit e matricës lidhëse jashtë qelizore.
Falë aftësisë për të thithur ujë formon një mikroagregat viskoz që vepron si barrierë duke rregulluar proceset e pKursi ecmrhapjes dhe duke penguar kalimin e virusit, baktereve dhe substancave të dëmshme. Për shkak të karakteristikave të tij të modulimit të proceseve inflamatore gjen vend në shumë aplikime në promovimin e shërimit të plagëve, edhe në fushën stomatologjike.
Në këtë studim janë regjistruar 82 pacientë (38 meshkuj, 44 femra) që kishin nevojë për marrje të një kampioni mukoze të paktën 0,5 cm (biopsi) ose të heqjeve të dhëmbëve që parashikonin përgatitjen e një plage. Pas fazës kirurgjike është dorëzuar tek pacienti, në mënyrë rastësore, një flakon që përmban ose vetëm CLX ose CLX dhe HA (përkatësisht Grupi P dhe Grupi Q). pacientët janë vëzhguar më pas për disa javë dhe gjatë kontrolleve të ndryshme janë regjistruar disa ndryshime (edemë, inflamacion, dhimbje) që më pas i janë nënshtruar analizës statistikore.

Rezultate dhe përfundime
Dallime statistikore të konsiderueshme u gjetën në nivel të variablave të veçanta në dy grupe pacientësh. Në termat e përmirësimit klinik (dhimbja dhe koha e shërimit) janë marrë rezultate më të mira në grupin që kishte marrë flakonin me përmbajtje klorheksidinë dhe acidi hialuronik.

Artikullin e plotë origjinal e gjeni duke klikuar këtu.

Përktheu: Valbona Spahia