Ushqyerja e tejzgjatur me gji shton riskun për karies te fëmijët

Ushqyerja me gji e zgjatur në kohë deri në moshën 2-vjeçare lidhet me një risk më ta madh për karies të dhëmbëve të qumështit. Të gjithë i njohin përfitimet e ushqyerjes me gji për shëndetin e fëmijëve, por vëmendje e veçantë tregohet ndaj rrezikut të shfaqjes së parakohshme të kariesit.
Faktin e pohon Benjamin Chaffe, studiues në Universitetin e Kalifornisë në San Fransisko, i cili ka publikuar së fundi në revistën "Annals of Epidemiology " përfundimin e një studimi nga të realizuar nga grupi i tij mbi 458 fëmijë nga familje me të ardhura të ulëta në qytetin e Porto Alegre në Brazil.
Organizata Botërore e Shëndetësisë rekomandon ushqyerjen ekskluzive me gji deri në moshën 6 muajshe, ndërfutjen progresive të ushqimeve të forta dhe ndërprerjen e gjirit plotësisht rreth muajit të 24-ët të jetës.
Gjatë studimit i cili zgjati rreth një vit, studiuesit kontrolluan fëmijët e moshës 6,12,24,38 muajsh. Prindërit plotësuan pyetësorë mbi ushqimet e administruara fëmijëve bashkë me qumështin e gjirit.
U gjetën karies në 40% të fëmijëve të ushqyer me gji mes muajve të 6 dhe 24 të jetës dhe në 48% të fëmijëve të ushqyer me gji deri në moshën 38-muajshe.
Sipas Chaffee studimi nuk vërteton faktin që ushqyerja e tejzagjatur me gji të jetë shkaku i kariesit. Është e ditur që hyn në lojë edhe lidhja me ushqimet për foshnjat shpesh të shtuara me sheqer të rafinuar, të cilat reduktojnë efektin mbrojtës të pështymës mbi zmaltin e dhëmbëve të qumështit.
Disa zakone luajnë po ashtu një rol të rëndësishëm dhe sigurisht të dëmshëm, si p.sh. kur fëmijën e zë gjumi ngjitur pas gjirit për një kohë të gjatë. Për ta përmbyllur, American Academy of Pediatric Dentistry i këshillon të gjithë prindërit t'i pastrojnë dhëmbët e sapo dalë të fëmijëve të tyre, me një garzë të vogël pas vakteve, një veprim i thjeshtë për t'u kryer ky por shumë efikas. Ndërsa vizita e parë të dentisti duhet të bëhet brenda vitit të parë të jetës.