Prevalenca e kariesit dentar te fëmijët me diabet të tipit 1

Studime të shumta epidemiologjike kanë referuar se diabeti i tipit 1 rrit rrezikun për sëmundje kardiovaskulare, sëmundje renale dhe rënie konjitive te fëmijët dhe adoleshentët. Për më tepër, një numër në rritje i studimeve indikon një lidhje ekzistuese ndërmjet diabetit të tipit 1 dhe komplikacioneve orale, duke përfshirë sëmundjet periodontale dhe kariesin dentar.

Studimet e disponueshme aktualisht në literaturë, që vendosin prevalencën e saktë të kariesit të dhëmbëve ndërmjet fëmijëve dhe adoleshentëve me diabet të tipit 1, për fat të keq bien ndesh me njëri-tjetrin dhe nuk ekziston ndonjë meta-analizë sasiore që lidhje me këtë.

Diabeti melit i tipit 1 është një sëmundje autoimune kronike e karakterizuar nga shkatërrimi i qelizave beta të pankreasit dhe si pasojë e mungesës së prodhimit të insulinës. Prek më shumë se gjysmë milioni fëmijë në të gjithë botën dhe prevalenca e incidenca e tij është në rritje sidomos, në vendet evropiane.

Tipologjia e kërkimit dhe modaliteti i analizës

Në një rishikim sistematik, të publikuar në "BMC Oral Health", autorët kanë kryer një kërkim bibliografik në nivel botëror, në bazë të një strategjie kërkimi të vendosur më parë, nëpërmjet portaleve PubMed, Embase dhe China National Knowledge, për të gjitha studimet e përshtatshme mbi prevalencën e kariesit dentar te fëmijët dhe tek adoleshentët me diabet të tipit 1 të publikuar në periudhën korrik 1971-dhjetor 2018.
Prevalenca është llogaritur me intervale besueshmërie në 95% (IC me 95%) dhe analizat e nëngrupeve janë llogaritur duke përdorur një model të efekteve shkakësore.

Rezultatet

Nga 358 artikuj të identifikuar fillimisht, u përfshinë në rishikimin përfundimtar 10 artikujsh dhe 538 pacientë.
Prevalenca kompleksive e kariesit dentar ndërmjet fëmijëve dhe adoleshentëve me diabet të tipit 1 rezultoi të ishte 67%. Kjo prevalencë ishte më e lartë në Amerikën e Jugut (84%) dhe më e ulët te pacientët diabetikë me një kontroll të mirë metabolik (47%).

Konkluzionet

Nga të dhënat e marra nga ky rishikim, që duhet të konfirmohen me punime të tjera analoge mund të dalim në përfundimin se prevalenca e kariesit dentar është e lartë ndërmjet fëmijëve dhe adoleshentëve me diabet të tipit 1.

Implikimet klinike

Duke u nisur nga prevalenca e lartë e kariesit dentar ndërmjet individëve të rinj të prekur nga diabeti i tipit 1, skrinimi dhe trajtimi parandalues duhet të përfshihen në rutinë si trajtime në klinikat dentare për fëmijët dhe adoleshentët diabetikë, veçanërisht tek ata me kontroll të dobët metabolik.

Për më shumë informacion:

Wang Y, Xing L, Yu H, Zhao L. Prevalence of dental caries in children and adolescents with type 1 diabetes: a systematic review and meta-analysis. BMC Oral Health.